Accessibility links

چالاکوانانی سوریا ده‌ڵێن به‌ هێرشێـکی ئاسـمانی له‌ نزیک دیمه‌شق 20 که‌س ده‌کوژرێن


چالاکوانانی سوریا ده‌ڵێن ئه‌مڕۆ یه‌کشه‌ممه‌ فڕۆکه‌ جه‌نگیـیه‌کانی حکومه‌ت بۆردومانی شـارۆچکه‌ی موعه‌زه‌میـیه‌ی باشوری ڕۆژئاوای دیمه‌شقی پایته‌ختیان کردووه‌ و له‌ ئاکامدا 20 که‌س کوژراون که‌ هه‌شتیان منداڵن و پـێنجیان ژنن.
ڕامی عه‌بدولڕه‌حمان به‌رپـرسی کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا ده‌ڵێت قوربانیـیه‌کان زۆربه‌یان ئه‌ندامانی دوو خێزانن، وه‌ منداڵه‌ کوژراوه‌کانیش ته‌مه‌نیان له‌ نێوان 6 مانگ بۆ 14 سـاڵه‌.
ئاژانسی ده‌نگ‌وباسی سـانای حکومه‌تی سوریاش به‌ گوته‌ی خۆی تێرۆرسـتان له‌ داریاوه‌ موشه‌کێـکیان گرتووه‌ته‌ موعه‌زه‌میـیه‌ و به‌ر بینایه‌کی مه‌ده‌نی که‌وتووه‌ و ئه‌و خه‌ڵکه‌ کوژراون.
ڕۆژی یه‌کشه‌ممه‌ چالاکوانان گوتیان هێزه‌کانی ئه‌سه‌د له‌ چه‌ند هێرشێـکیاندا له‌ ناوچه‌کانی نزیک دیمه‌شق 36 که‌سیان کوشـتووه‌ که‌ به‌ لایه‌نی که‌م 14 یان منداڵ بوون.
XS
SM
MD
LG