Accessibility links

له‌ چه‌ند هێرشێـکدا له‌ عێراق 4 که‌س ده‌کوژرێن و 5 بریندارده‌بن

  • VOA News

کاربه‌ده‌سـتانی عێراق ده‌ڵێن به‌هۆی هێرشی یاخیبووان له‌ به‌شه‌ جیاکانی وڵات، 4 که‌س کوژراون که‌ یه‌کێـکان کوڕێـکی ته‌مه‌ن 7 سـاڵه‌ و هه‌روه‌ها 5 که‌سی تریش برینداربوون.
کاربه‌ده‌سـتانی پـۆلیس ده‌شڵێن هێرشه‌که‌ سه‌رله‌به‌یانی یه‌کشه‌ممه‌ ڕوویدا، کاتێـک چه‌کداران په‌لاماری بازگه‌یه‌کی له‌شکریـیان دا له‌ نزیک شـاری سا‌مه‌ڕا له‌ باکوری به‌غدا، 3 سه‌ربازیان کوشت و 2 ی تریشیان بریندارکرد.
له‌ ڕۆژئاوای وڵات له‌ پارێزگای ئه‌نبار، پـۆلیس ڕایگه‌یاند، بۆمبی سه‌ر ڕێـگا به‌ ئۆتۆمبیلێـکی هێزی ئاسایش له‌ شـاری فه‌لـلوجه‌ ته‌قیوه‌ته‌وه‌، کوڕێـک که‌ به‌ ته‌نیشتی ئۆتۆمبیله‌که‌دا تـێپه‌ڕ ده‌بوو کوژرا و 3 پـۆلیسیش برینداربوون.
کاربه‌ده‌سـتانی پـزیشکی پـشـتڕاستی ژماره‌ی کوژراوه‌کانیان کرد.
XS
SM
MD
LG