Accessibility links

له‌ به‌غدای پایته‌ختی عێراق و له‌ باکوری پایته‌ختیش له‌ ئاکامی ژماره‌یه‌ک ته‌قینه‌وه‌ به‌لانیکه‌م 6 که‌س کوژراون و 14 که‌سی تریش بریندارن.

چوار له‌ قوربانیه‌کانی هێرشه‌کانی ئه‌مڕۆ 5 شه‌ممه‌ له‌و ته‌قینه‌وه‌یه‌دا کوژراون که‌ له‌ وێستگه‌یه‌کی پاسدا ڕوویدا له‌ گه‌ڕه‌کی حوڕیه‌.

ته‌قینه‌وه‌که‌ بووه‌ مایه‌ی تێکشکاندنی ژماره‌یه‌ک ئۆتۆمبێل و هه‌روه‌هاش زیانلێکه‌وتنی چه‌ند خانوبه‌ره‌یه‌کی نزیک له‌ شوێنی ڕووداوه‌که‌.

هێرشێکی تریش کراوه‌ته‌ سه‌ر کاروانی ئۆتۆمبێله‌کانی زانکۆی دیاله‌ و له‌م هێرشه‌دا دووان له‌ پاسه‌وانه‌کان کوژراون.
ئه‌م توندوتیژیانه‌ هاوکاتن له‌گه‌ڵ خۆپیشاندانه‌کانی عه‌ره‌بی سوننه‌ دژی حکومه‌تی عێراق وه‌ک ناڕه‌زایی ده‌ربڕین به‌رامبه‌ر به‌ چۆنیه‌تی ڕه‌فتارکردنی نوری ئه‌لمالیکی سه‌ره‌ک وه‌زیری له‌گه‌ڵیاندا که‌ شیعه‌یه‌.
XS
SM
MD
LG