Accessibility links

ڕێبه‌ری پارتی نوری سه‌له‌فیـیه‌کانی میسر جیاده‌بێته‌وه‌ و پارتێـکی نوێ پـێـکده‌هێنێت

  • VOA News

عیماد عه‌بدولغه‌فور ڕێبه‌ری پارتی نوری ئیسلامیـیه‌ سه‌له‌فیـیه‌کانی میسر ئه‌مڕۆ سێشه‌ممه‌ به‌ فه‌رمی جیابوونه‌وه‌ی خۆی له‌ پارته‌که‌ی ڕاگه‌یاند و گوتی پارتێـکی نوێی به‌ ناوی " ئه‌لوه‌ته‌ن" دامه‌زراندووه‌.
عیماد عه‌بدولغه‌فور ئه‌مڕۆ له‌ کۆنگره‌یه‌کی ڕۆژنامه‌وانیدا له‌ هۆڵی کۆنگره‌کانی زانکۆی ئه‌زهه‌ر ئه‌مه‌ی ڕاگه‌یاند و گوتی ئه‌ندامانی پارته‌ نوێـیه‌که‌ی په‌ڕه‌یه‌کی نوێ هه‌ڵده‌ده‌نه‌وه‌ و هیوا سه‌رکه‌وتن بۆ هه‌موو لایه‌ک ده‌خوازن.
له‌ لایه‌کی دیکه‌وه‌ موسته‌فا خه‌لیفه‌ جێـگری سه‌رۆکی پارتی نور گوتی جیابوونه‌وه‌ی هه‌ندێـک له‌ ئه‌ندامانی پارته‌که‌ی هیچ کاریگه‌ری به‌سه‌ر پارته‌که‌یاندا نابێت. ئاماژه‌ی به‌وه‌ش کرد که‌ له‌ چه‌ند مانگی ڕابردوودا مشتومڕێـکی زۆر له‌ نێو سه‌رکردایه‌تی پارته‌که‌ کراوه‌.
چاودێرانی میسری ده‌ڵێن زۆربه‌ی ئه‌وانه‌ی له‌ نور جیابوونه‌ته‌وه‌ و پارتی وه‌ته‌نیان پـێـکهێناوه‌، که‌سانی که‌متر توندڕه‌ون و خوازیارن زیاتر سه‌ربه‌خۆیـیان له‌ سه‌رکردایه‌تی پارته‌که‌ی پـێشوویان هه‌بێت.
جێی ئاماژه‌یه‌ عیماد عه‌بدولغه‌فور جگه‌ له‌وه‌ی که‌سێـکی سیاسیـیه‌، پـزیشکێـکی نه‌شته‌رگه‌ریشه‌ و یاریده‌ده‌ری سه‌رۆک کۆماری میسره‌ بۆ په‌یوه‌ندیـیه‌ کۆمه‌ڵایتیـیه‌کان.
XS
SM
MD
LG