Accessibility links

خۆپـیشـاندانی ناڕه‌زایی له‌ ڕۆژئاوای عێراق به‌رده‌وامه‌

  • VOA News

ئه‌مڕۆ چوارشه‌ممه‌ به‌ هه‌زاران که‌س له‌ شـاری ڕه‌مادی ناوه‌ندی پارێزگای ئه‌نباری ڕۆژئاوای عێراق خۆپـیشـاندانیان سـازکرد بۆ ده‌ربڕینی ناڕه‌زایی به‌رامبه‌ر به‌ حکومه‌تی سه‌رۆک وه‌زیری عێراق نوری ئه‌لمالیکی.
ڕافع عیسـاوی که‌سـایه‌تی سووننه‌ و وه‌زیری دارایی عێراق وتارێـکی پـێشـکه‌ش به‌ خۆپـیشـانده‌ران کرد و تیایدا گوتی ئه‌م گردبوونه‌وه‌یه‌ تایفه‌گه‌رایی نیـیه‌، به‌ڵـکو بۆ ڕه‌تکردنه‌وه‌ی زوڵم و سته‌مه‌ له‌ هه‌ر کوێـیه‌ک بکرێت. هه‌روه‌ها ڕه‌تیکرده‌وه‌ خۆپـیشـاندانه‌که‌ بۆ پشـتیوانیکرد له‌و و پاسه‌وانه‌کانی بێت، ئه‌وانه‌ی له‌ لایه‌ن حکومه‌تی عێراقه‌وه‌ به‌ تاوانی تێرۆرسـتی هه‌فته‌ی ڕابردوو ده‌سـتگیرکران.
هاوکات له‌ شـاری فه‌لـلوجه‌ش به‌ هه‌زاران که‌س بۆ هه‌مان مه‌به‌ست گردبوونه‌وه‌ و ئه‌و ڕێگه‌ سه‌ره‌کیـیه‌یان بڕی که‌ به‌غدا به‌ سوریا و ئوردن ده‌به‌سـتێته‌وه‌.
جێی ئاماژه‌یه‌ له‌وه‌تای ژماره‌یه‌ک له‌ پاسه‌وانه‌کانی عیسـاوی ده‌سـتگیرکراون، ئاسـتی ناڕه‌زایی سووننه‌کان زیادیکردووه‌، ده‌ڵێن حکومه‌تی عێراق پشـتگوێـیان ده‌خات و ناڕه‌وایـیان له‌ به‌رامبه‌ردا ده‌کات.
XS
SM
MD
LG