Accessibility links

په‌رله‌مانتارێـکی ئێرانی: ژنه‌ ڕووسیـیه‌کانی ده‌زگای ناوکی بوشه‌هر حیجاب ناپـۆشن

  • VOA News

په‌رله‌مانتارێـکی ئێرانی ڕه‌خنه‌ له‌و کارمه‌نده‌ ژنه‌ ڕووسیانه‌ ده‌گرێت که‌ له‌ ده‌زگای ناوکی بوشه‌هر له‌ باشوری وڵاته‌که‌ کار ده‌که‌ن و حیجاب نابه‌سـتن.
مه‌هدی موسه‌ویی نه‌ژاد ئه‌ندام په‌رله‌مانی ئێرانی سه‌ر شـاری ده‌شتسـتانی پارێزگای بوشه‌هر، ئه‌مڕۆ سێشه‌ممه‌ به‌ ئاژانسی ئیسنای وڵاته‌که‌ی گوتووه‌ ئه‌و کارمه‌نده‌ ژنانه‌ هه‌رچه‌نده‌ ده‌رماڵه‌ وه‌رده‌گرن له‌ به‌رامبه‌ر بۆشینی حیجاب، که‌چی پابه‌ندی نابن و به‌ڵێنه‌که‌یان به‌سه‌ر نابه‌ن.
گوتووشیه‌تی زۆر جار ئه‌م ژنانه‌ به‌بێ حیجابه‌وه‌ ده‌چنه‌ ناو شـاره‌وه‌ و به‌ گوته‌ی خۆی ئه‌مه‌ کاردانه‌وه‌ی خراپـی به‌سه‌ر به‌ها کۆمه‌ڵاتیـیه‌کانی ناچه‌که‌دا ده‌بێت.
جێی ئاماژه‌یه‌ له‌ سـاڵی 1995 وه‌ ڕووسیا ده‌سـتیکردووه‌ به‌ دامه‌زراندنی ده‌زگای ناوکی بوشه‌هر و له‌ کۆتایـیه‌کانی 2011 که‌وتووه‌ته‌ گه‌ڕ بۆ به‌رهه‌مهێنانی وزه‌ی کاره‌با. بڕیاره‌ له‌ ناوه‌ڕاستی سـاڵی داهاتووه‌وه‌ ته‌واوی ده‌زگاکه‌ له‌ لایه‌ن ئێرانیـیه‌کانه‌وه‌ به‌ڕێوه‌بـبرێت.
XS
SM
MD
LG