Accessibility links

دوو ئه‌فسه‌ر له‌ پایته‌ختی یه‌مه‌ن به‌ ده‌مانچه‌ی بێ ده‌نگ ده‌کوژرێن

  • VOA News

ئه‌مڕۆ سێشه‌ممه‌ چه‌ند چه‌کدارێـک به‌سه‌ر ماتۆر سکیله‌وه‌ له‌ سه‌نعای پایته‌ختی یه‌مه‌ن به‌ ده‌مانجه‌ی بێ ده‌نگ ته‌قه‌یان له‌ دوو ئه‌فسه‌ری له‌شـکری کردوو و کوشـتوویانن.
سه‌رچاوه‌ هه‌واڵیـیه‌کان ده‌ڵێن عه‌مید فه‌زڵ محه‌مه‌د جابر ئه‌لره‌دفانی ڕاوێژکار له‌ وه‌زاره‌تی به‌رگری یه‌مه‌ن ئه‌مڕۆ پاش نیوه‌ڕۆی که‌ له‌ وه‌زاره‌ته‌که‌ هاتووه‌ته‌ ده‌رێ له‌ لایه‌ن چه‌ند که‌سێـکه‌وه‌ به‌ سواری ماتۆرسکیله‌وه‌ به‌ ده‌مانجه‌ی بێ ده‌نگ ته‌قه‌یان لێـکردووه‌ و کوشتوویانه‌.
ده‌شڵێن پاش نزیکه‌ی یه‌ک کاژمێر له‌ ناوچه‌ی دار سلم له‌ باشوری سه‌نعاش به‌ هه‌مان شێوه‌ ته‌قه‌ له‌ عه‌قید سه‌لیم ئه‌لغربانی ئه‌فسه‌ر له‌ گاردی کۆماری کراوه‌ و ئه‌ویش کوژراوه‌.
به‌پـێی ئاماره‌کانی ده‌زگاکانی ئاسایشی یه‌مه‌ن له‌ سه‌ره‌تای ئه‌مسـاڵه‌وه‌ هه‌تا ئێسـتا زیاتر له‌ 70 ئه‌فسه‌ر و کاربه‌ده‌سـتی ئاسایش که‌ زۆربه‌یان نزیـکی سه‌رۆک عه‌بد ڕه‌به‌ مه‌نسور ئه‌لهادی بوون له‌ سه‌نعا و شاره‌کانی دیکه‌ی وڵاته‌که‌ کوژراون.
XS
SM
MD
LG