Accessibility links

پـۆلیسێکی ژن له‌ ئه‌فغانستان ڕاوێژکارێـکی ئه‌مه‌ریکایی ده‌کوژێت

  • VOA News

به‌رپـرسـانی ئه‌فغانی و ناتۆ ده‌ڵێن کارمه‌ندێـکی پـۆلیسی ئه‌فغانی ژن، ڕاوێژکارێـکی سیڤیلی ئه‌مه‌ریکایی له‌ کابولی پایته‌خت کوشتووه‌.
ده‌سه‌ڵاتداران ده‌ڵێن پـۆلیسه‌ ژنکه‌ له‌ ئه‌مڕۆ دووشه‌ممه‌ ڕاوێژکاره‌ ئه‌مه‌ریکایـیه‌که‌ی له‌ ناو باره‌گای پـۆلیسدا کوشـت.
ڕاپـۆرته‌کانی میدیا ده‌ڵێن پـۆلیسه‌که‌‌ ناوی نێرگزه‌ و له‌ به‌ڕێوه‌به‌رایه‌تی قانونی یه‌کسـانی نێوان ژن و پـیاو له‌ وه‌زاره‌تی ناخۆ کاری ده‌کرد.
به‌رپـرسـان گوتیان ئه‌م هێرشه‌ش ڕووداوێـکی ناوخۆیه‌، وه‌ک ئه‌و ڕووداوانه‌ی پـێشـتر بوون که‌ تیایاندا هێزه‌ ئه‌فغانیـیه‌کان ڕووی چه‌که‌کانیان کردبووه‌ ئاڕاسته‌ی سه‌رباز و که‌سـانی وڵاتانی خۆرئاوا، ئه‌وانه‌ی له‌ یه‌که‌کانی ئه‌فغانیدا کارده‌که‌ن.
ئه‌مه‌ یه‌که‌م جاره‌ پـۆلیسێـکی ژنی ئه‌فغانی هێرشێـکی له‌م جۆره‌ بکات.
XS
SM
MD
LG