چالاکوانانی سوریا: به‌ هێرشێـکی ئاسـمانی ده‌یان که‌س له‌ به‌رده‌م نانه‌وا‌خانه‌یه‌کدا له‌ شـارۆچکه‌یه‌کی حه‌ما ده‌کوژرێن

چالاکوانان ده‌ڵێن فڕۆکه‌ جه‌نگیـیه‌کانی حکومه‌ت ئه‌مڕۆ یه‌کشه‌ممه‌ نانه‌واخانه‌یه‌کیان له‌ شـارۆچکه‌ی حه‌لفایا له‌ پارێزگای حه‌ما بۆردومان کرد‌ و له‌ ئاکامدا به‌ ده‌یان که‌س کوژراون و برینداربوون.
گه‌واهیده‌ران ده‌ڵێن پاش ئه‌وه‌ی بۆ چه‌ند ڕۆژێـک بوو ئارد بۆ ناوچه‌که‌یان نه‌هاتبوو، ئه‌مڕۆ ئه‌و نانه‌واخانه‌یه‌ کراوه‌ته‌وه‌ و به‌ ده‌یان که‌س له‌ به‌رده‌می گردبووبوونه‌وه‌، پاشان فڕۆکه‌ی جه‌نگی جۆری میگ هاتن و بۆردومانی نانه‌واخانه‌که‌یان کرد.
شـارۆچکه‌ی حه‌لفایا له‌م دوایـیانه‌دا که‌وته‌ ژێر ده‌سـتی سه‌رهه‌ڵـداوانه‌وه‌، ئه‌مه‌ش به‌ره‌وپـێشچوونێـکی به‌رچاوی ئۆپـۆزسۆنه‌ له‌ پارێزگای حه‌مای ناوه‌ندی وڵاته‌که‌.