Accessibility links

ئیخوان ئه‌لموسلمین: میسریـیه‌کان ده‌سـتوری نوێـیان په‌سه‌ندکرد

  • VOA News

ئیخوان ئه‌لموسلیمینی میسر ده‌ڵێت هاوڵاتیـیانی وڵاته‌که‌ی ئه‌و به‌رنووسی ده‌ستوره‌یان په‌سه‌ندکرد که‌وا بۆ چه‌ند هه‌فته‌یه‌که‌ له‌ ناو وڵاته‌که‌ مشتومڕی توندی له‌سه‌ره‌.
ئیخوانه‌کان ده‌ڵێن له‌ هه‌ردوو ڕۆژی ده‌نگدانه‌که‌، که‌ یه‌که‌میان له‌ 15 ی مانگ بوو و دووه‌میان ئه‌وه‌ی دوێنێ شه‌ممه‌‌ 22 ی مانگ، نزیکه‌ی 64% ی ده‌نگده‌ران به‌ ئه‌رێ ده‌نگیان بۆ به‌رنووسی ده‌سـتوره‌که‌ داوه‌. به‌پـێی هه‌واڵه‌کان ڕێژه‌ی به‌شداربووان نزیکه‌ی 32% بووه‌.
ئه‌گه‌ر بێت و له‌ چه‌ند ڕۆژی داهاتوو ئه‌م ئه‌نجامه‌ به‌رایـیه‌ پـشـتڕاستبکرێته‌وه‌، ئه‌وا له‌ ماوه‌ی دوو مانگدا هه‌ڵبژاردنی په‌رله‌مانی سـازده‌کرێت.
ئیخوان ئه‌لموسلیمینه‌کانی لایه‌نگری سه‌رۆک محه‌مه‌د مورسی پشـتیوانی له‌ ده‌سـتوری نوێ ده‌که‌ن، له‌ کاتێـکدا زۆربه‌ی لیبراڵ و سکیولار و کرستیانه‌کانی میسر له‌گه‌ڵیدا نین، ده‌ڵێن به‌ ناوی پـیاده‌کردنی شه‌ریعه‌تی ئیسلامیـیه‌وه‌ ئازادیـیه‌ سیڤیلیـیه‌کان که‌م ده‌بنه‌وه‌ و هه‌روه‌ها هیچ باسیش له‌ مافه‌کانی ژنان ناکرێت.
جێی ئاماژه‌یه‌ ئه‌و کۆمیته‌یه‌ی به‌رنووسی ده‌سـتوره‌که‌ی ئاماده‌کرد زۆربه‌یان له‌ ئیسلامیـیه‌کان بوون، پاش ئه‌وه‌ی ئه‌ندامه‌ لیبراڵ و کرستیانه‌کان لێی کشـانه‌وه‌ به‌هۆی وه‌ک ده‌ڵێن ئیسلامیـیه‌کان ڕاوبۆچوونه‌کانیان پشـتگوێ خستبوون.
XS
SM
MD
LG