Accessibility links

یه‌که‌م مه‌ڕاسیمی به‌ خاکسپاردنی قوربانیانی ڕوداوی ته‌قه‌کردنی کوشنده‌ له‌ ئه‌مه‌ریکا

  • VOA News

یه‌که‌مین مه‌ڕاسیمی به‌ خاکسپاردنی قوربانیانی ڕوداوی ته‌قه‌کردنی کوشنده‌ له‌ قوتابخانه‌ی سه‌ره‌تایی له‌ شـاری نیوتاونی ویلایه‌تی که‌نه‌تیکتی ئه‌مه‌ریکا، ئه‌وه‌ی ڕۆژی هه‌ینی که‌ 26 که‌سی تێدا کوژرا و 20 له‌وانه‌ منداڵ بوون، به‌ڕێوه‌ چوو.
دوشه‌ممه‌، 2 منداڵی کوڕ ته‌مه‌ن 6 ساڵان به‌ خاک سپاردران، یه‌کێک له‌ کوڕه‌کان خاوه‌ن خوشکی جمک(دووانه‌) بو که‌ له‌ ته‌قه‌کردنه‌که‌ دا سه‌لامه‌ت ده‌رچوبو. له‌ هه‌مانده‌م ، قوتابخانه‌که‌(شوێنی ڕوداوه‌که‌) داخرابو و هێشتا ڕوون نیه‌ چ کاتێک و ئایا قوتابخانه‌یه‌ قه‌ت ده‌کرێته‌وه؟ دوشه‌ممه‌، قوتابخانه‌کانی تری ئه‌م ویلایه‌ته‌ له‌ ژێر باڕێکی توندی ئاسایشدا کرانه‌وه‌.
پۆلیس به‌رده‌وامه‌ له‌ لێکۆلینه‌وه‌ی له‌ بینای قوتابخه‌نه‌که‌ و شوێنێکی تریش و لێکۆڵینه‌وه‌ی له‌ به‌ڵگه‌کان و سوال و جوابی له‌گه‌ڵ گه‌واهی ده‌ران.
خه‌ڵکی پرسه‌دار به‌ دانانی ده‌سکه‌ گوڵ، وه‌رچی لیستۆک و فریشته‌ی کاغه‌زی له‌ ده‌ره‌وه‌ی شوێنی مه‌راسیمه‌که‌، ڕێزیان بۆ 2 منداڵه‌که‌ ده‌ربڕی.
بڕیاره‌ له‌م هه‌فته‌یه‌ مه‌ڕاسیمی به‌ خاکسپاردن بۆ قوربانیانی تریش به‌ڕێوه‌ بچێت.
XS
SM
MD
LG