Accessibility links

حیسام ده‌ست پیش: مافی سه‌ربه‌خۆیی ده‌بێت کورد له‌ رفراندومێکدا چاره‌سه‌ری بکات تا ئه‌وه‌ی به‌ قسه‌ێ سه‌رکرده‌یه‌ک

  • Jani Diylan

وتو وێژ له‌گه‌ڵ حیسام ده‌ست پێش

وتو وێژ له‌گه‌ڵ حیسام ده‌ست پێش

بێگومان هه‌ر که‌س حه‌ز ده‌کات خاوه‌ن ماڵ بێت تاکو کرا نشین، کێشه‌ی سه‌ربه‌خۆیی کوردستان هه‌ر کام له‌ سه‌رکرده‌ و رێبه‌رانی کورد به‌ جۆرێک باسی لێده‌که‌ن، هه‌ندێک قسه‌کانیان به‌ جۆرێکه‌ وه‌کو شه‌پۆلی ده‌ریا له‌ هه‌ڵسان و کێشاندایه‌ و هه‌ندی لایه‌نی تر به‌ خه‌ون ده‌ێبینن.
حیسام ده‌ست پیش مامۆستای زانسته‌ سیاسیه‌کان له‌ زانکۆی سه‌لاحدین له‌ هه‌ڤپه‌ێڤینێکدا له‌گه‌ڵ به‌شی کوردی ده‌نگی ئه‌مریکا له‌ باره‌ی ئه‌وه‌ی تا چه‌ند شیانی هه‌یه‌ ئه‌و جۆره‌ لێدوانانه‌ مه‌ردوم چه‌واشه‌ بکات و سه‌ریان لێ بشێوێنێ ده‌ڵێت " ڕاستیه‌که‌ی ئه‌وه‌یه‌ به‌ داخه‌وه‌ سیاسه‌ت وانانی ئێمه‌ له‌ نێوان دوو مه‌وزوعدا جیاوازیان دا نه‌ناوه‌، یه‌کێکیان ئه‌وه‌ێ که‌ ئه‌رک و به‌رپرسیاره‌تی خۆیانه‌، مه‌وزوعێک که‌ په‌ێوه‌ندی هه‌یه‌ به‌ ڕای گشتی کوردستان یان بزوتنه‌وه‌ی جه‌ماوه‌ر خه‌ڵکی کوردستانه‌وه‌ . سیاسه‌ت وانانی ئێمه‌ کاتێک که‌ ئه‌بنه‌ سیاسه‌ت وان وا هه‌ست ده‌که‌ن ئێتر ئه‌وانن ته‌نیا نوێنه‌ری داخوازیه‌کانی خه‌ڵکی کورد وه‌ ته‌نیا ئه‌وانن ده‌م ڕاستی داخوازیه‌کانی خه‌لکی کوردن ، وه‌ لێره‌دایه‌ که‌ هه‌ڵه‌که‌ روو ئه‌دا وه‌ به‌ جێگه‌ێ ئه‌وه‌ێ که‌ ئه‌وان ئه‌رک و به‌رپرسیاره‌تی خۆیان وه‌کو سیاسیه‌ک بۆ کۆمه‌ڵگای کوردی به‌ جێ بێنن ئه‌بنه‌ خاونی ته‌واوی جمکه‌کانی ژیانی خه‌ڵکی کوردستان وه‌ لێره‌دایه‌ هه‌ڵه‌که‌ روو ئه‌دا که‌ به‌ داخه‌وه‌ به‌ جێ ئه‌وه‌ی هیمای زۆر پۆزه‌تیف و ئه‌رێنی بنێرین بۆ کۆمه‌ڵگا دێن دژه‌ هیمای نه‌رێنی یان نیگه‌تیڤ ئه‌نێرن وه‌ ئه‌مه‌ له‌ مه‌عنا فراوانه‌که‌ێدا کێشه‌ گه‌وره‌که‌ی ئه‌وه‌یه‌ ئیراده‌ له‌ تاکی کورد وه‌ر ده‌گرێ کاتێک که‌ تو هه‌موو بواره‌کانی کونترۆڵ بکه‌ێ و قسه‌کانی خۆت بکه‌ێته‌ مه‌رجه‌عێک چی باشه‌ بۆ کۆمه‌ڵگای کوردی وه‌ چی خراپه‌".
XS
SM
MD
LG