Accessibility links

هه‌رێمی کوردستانی عێراق و ڕۆژی نێونه‌ته‌وه‌یی دژ به‌ گه‌نده‌ڵی

  • مۆعته‌به‌ر شێروانی

دکتۆر ڕێبوار فه‌تاح

دکتۆر ڕێبوار فه‌تاح

دکتۆر ڕێبوار فه‌تاح: " گه‌نده‌ڵی وه‌ک شێرپه‌نجه‌ وایه‌ و په‌یوه‌ندی ڕاسته‌و خۆی به‌ باری سیاسی، کۆمه‌ڵایه‌تی و ئابوری وه‌ هه‌یه‌ و به‌بێ چاره‌سه‌ری سیاسی و کۆمه‌ڵایه‌تی زۆر زه‌حمه‌ته‌ بتوانرێت چاره‌سه‌ری گه‌نده‌ڵی بکرێت."

له‌ 31ی مانگی 10ی ساڵی 2003، ئه‌نجومه‌نی گشتی نه‌ته‌وه‌یه‌کگرتووه‌کان جاڕنامه‌ی دژ به‌ گه‌نده‌ڵی په‌سند کرد و ئه‌نجومه‌ن له‌ ناو بڕیاری تردا، ڕۆژی 9 ی مانگی 12 ی به‌ ڕۆژی نێونه‌ته‌وه‌یی دژ‌-گه‌نده‌ڵی ده‌ستنیشان کرد، " بۆ وشیارکردنه‌وه‌ له‌سه‌ر گه‌نده‌ڵی و ڕۆڵی جاڕنامه‌که‌ له‌ نه‌هێشتن و پێشگرتن له‌ گه‌نده‌ڵی."
بان کی مۆن

بان کی مۆن


له‌ په‌یامێکدا، سکرتێری گشتی نه‌ته‌وه‌یه‌کگرتووه‌کان
بان کی مۆن گوتی،" له‌ کاتێک کۆمه‌ڵگای نێونه‌ته‌وه‌یی سه‌خت هه‌وڵ ده‌دات 'ئامانجه‌کانی گه‌شه‌دانی هه‌زاره‌' تا 2015 بپێکێت و به‌رنامه‌یه‌‌ک بۆ گه‌شه‌ پێدانی ئابوری و کۆمه‌ڵایه‌تی بۆ ساڵانی دواتر دابڕێژێت، چاره‌سه‌رکردنی گرفتی گه‌نده‌ڵی زۆر پێویسته‌."
دروشمی ئه‌مساڵ 2012 ، " ئه‌مڕۆ له‌دژی گه‌نده‌ڵی چالاک به‌."
له‌ ‌مانگی 12 ساڵی 2005 جێبه‌جێکرانی ئه‌م جاڕنه‌مه‌یه ده‌ست پێکرا.

دکتۆر ڕێبوار فه‌تاح چاودێری سیاسی و شاره‌زای بواری ڕاگه‌یاندن له‌ گفتوگۆی له‌ گه‌ڵ به‌شی کوردی ده‌نگی ئه‌مه‌ریکا دا باسی گه‌نده‌ڵی له‌ هه‌رێمی کوردستانی عێراق ده‌کات و ده‌ڵێت گه‌نده‌ڵی لایه‌نی زۆری هه‌یه‌ ، ئه‌وه‌ی لای خه‌ڵکی زۆر زۆر ناسراوه‌،" پێشێلکردنی مافی خه‌لکه‌، دزین و داگیرکردنی که‌رتی گشتی یه‌."
د.فه‌تاح ده‌شڵێت، " گه‌نده‌ڵی وه‌ک شێرپه‌نجه‌ وایه‌ و زۆرتر بڵاو بۆته‌وه‌ و په‌یوه‌ندی ڕاسته‌و خۆی به‌ باری سیاسی، کۆمه‌ڵایه‌تی و ئابوری وه‌ هه‌یه‌ و به‌بێ چاره‌سه‌ری سیاسی و کۆمه‌ڵایه‌تی زۆر زه‌حمه‌ته‌ بتوانرێت چاره‌سه‌ری گه‌نده‌ڵی بکرێت."
ئه‌و ده‌ڵێت ئه‌گه‌ر بتهه‌وێت نه‌ته‌وه‌یه‌ک به‌ پێش به‌ری ناتوانیت به‌ شێوه‌ی ئه‌مڕۆ(له‌ کوردستان ده‌کرێت) کاربکه‌یت. سه‌باره‌ت به‌ لایه‌نی کۆمه‌ڵایه‌تی گه‌نده‌ڵی، دکتۆر ڕێبوار فه‌تاح ده‌ڵێت بۆ ئه‌وه‌ی حکومه‌ت بتوانێت له‌ گه‌نده‌ڵی خۆی ڕزگار بکات هه‌مو ئه‌ندامێکی کۆمه‌ڵ گه‌نده‌ڵ ده‌کات بۆ نمونه‌ دابه‌شکردنی مڵک و زه‌وی و زاری خه‌ڵک که‌ ئه‌مه‌" گه‌نده‌ڵکردنی که‌سه‌کانه"‌ بۆ ئه‌وه‌ی پێیان بڵێت به‌شی خۆمان بردوه‌ به‌ڵام به‌شی ئێوه‌شمان داوه‌.
XS
SM
MD
LG