Accessibility links

کۆنفراسی گه‌نجان له‌ دورگه‌ی بالی ئه‌نده‌نوسیا به‌ڕێوه‌ده‌چێت

  • هێرۆ زه‌نگه‌نه‌

Executive Director of UNFPA Babatunde Osotimehin delivers his speech during the Global Youth Forum in Nusa Dua on Bali island, December 4, 2012.

Executive Director of UNFPA Babatunde Osotimehin delivers his speech during the Global Youth Forum in Nusa Dua on Bali island, December 4, 2012.

زۆر به‌ ده‌گمه‌ن ده‌نگی گه‌نجان له‌ ئاستی ده‌سه‌ڵاتدا ده‌بیسترێت، به‌ڵام له‌ کاتێکدا که‌ ڕێژه‌ی گه‌نجان به‌ره‌و زیادبوون ده‌ڕوات کۆنفرانسێکی نوێی نه‌ته‌وه‌ یه‌کگرتووه‌کان له‌ بالی ئه‌نده‌نوسیا ده‌نگێک ده‌دات به‌ گه‌نجه‌کان که‌ کاربکه‌نه‌ سه‌ر ڕێبه‌رانی جیهان.
ئه‌گنیس مۆنیکای ته‌مه‌ن 26 ساڵان له‌ کۆنفرانسه‌که‌ ڕایگه‌یاند
" سڵاو له‌ هه‌موو لایه‌ک، من زۆر خۆشحاڵم که‌ لێره‌م بۆ ڕێزلێنان له‌ هه‌موو ڕێبه‌رانی گه‌نجان له‌ سه‌رانسه‌ری جیهاندا که‌ نه‌ک ته‌نها ده‌توانن جیهان بگۆڕن، به‌ڵکو جیهان بکه‌ن به‌ شوێنێکی باشتر".
ئه‌گنیس مۆنیکای ‌ گۆرانیبێژو ئه‌کته‌ری ئه‌نده‌نوسییه‌، ئه‌مڕۆ بۆ هۆکارێکی زۆر جیاواز هاتبۆ‌ سه‌ر شانۆ.
ئه‌گنێس یه‌کێکه‌ له‌ 900 نوێنه‌ری گه‌نجان به‌شداری له‌ کۆنفرانسی سێ ڕۆژه‌ی گه‌نجان ده‌کات که‌ له‌م هه‌فته‌یه‌ له‌ ‌ دورگه‌ی بالی ئه‌نده‌نونسیا به‌ڕێوه‌ ده‌چێت.
ئه‌م بۆنه‌یه‌ له‌لایه‌ن بونیادی دانیشتوانی جیهانی سه‌ر به‌ نه‌ته‌وه‌ یه‌کگرتووه‌کان ناسراو به‌ UNFPA به‌ڕێوه‌ ده‌چێت. به‌ڕێوه‌به‌ری UNFPA دکتۆر باباتوندێ ئۆسۆتۆمایهان ده‌ڵێت ئه‌م بۆنه‌یه‌ به‌ مه‌به‌ستی ئه‌وه‌ کراوه‌ که‌ ده‌نگێک به‌ گه‌نجه‌کان بدات "ئه‌وه‌ی ئێمه‌ کردمان ئه‌وه‌یه‌ که‌ ڕێگا به‌ گروپه‌کانی هاوکاری نێونه‌ته‌وه‌یی گه‌نجان بده‌ین‌ بیر له ئه‌جه‌ندایه‌ک بکه‌نه‌وه‌، تاووتوێی ئه‌وه‌ بکه‌ن که‌ ده‌یانه‌وێت باسی چی بکه‌ن و هیوادارین له‌ کۆتایی ئه‌م کۆبوونه‌وه‌یه‌دا ئه‌وان بیر له‌ داهاتووی جیهان بکه‌نه‌وه‌ که‌ پێویسته‌ به‌ چ شێوه‌یه‌ک بێت"۔
نزیکه‌ی له‌سه‌دا 43 ی دانیشتوانی جیهان ته‌مه‌نیان له‌ 25 ساڵ که‌متره‌ و ژماره‌ی گه‌نجه‌کان له‌ وڵاتانی به‌ره‌و پێشکه‌وتوودا زیاتر له‌ گه‌شه‌سه‌ندندایه‌.
له‌ ئه‌نده‌نوسیا زیاتر له‌ 60 ملیۆن که‌س ته‌مه‌نیان له‌ سه‌ره‌‌تای بیسته‌کانه‌. له‌ ئافریکا زیاتر له‌ سه‌دا 70 ی دانیشتوان ته‌مه‌نیان له‌ 30 ساڵ که‌متره‌.
له‌ کاتێکدا ئابوری‌ناسان باس له‌ قازانجه‌کانی زیادکردنی هێزی کار ده‌که‌ن له‌ وڵاتانی پێشکه‌وتووی وه‌کو ئه‌نده‌نوسیا، به‌ڵام ڕێژه‌ی بێکاری له‌ نێو گه‌نجه‌کان له‌ هه‌موو کات زیاتره‌.
ده‌ڵێت بۆ زۆربه‌ی گه‌نجه‌کان خوێنده‌واری ته‌نها شتێکه‌ که‌ به‌س ده‌توانن خه‌ونی پێوه‌ ببینن. و له‌ ئاستی ڕێباز داناندا گه‌نجان زۆر به‌ ده‌گمه‌ن نوێنه‌رایه‌تییان هه‌یه‌.
به‌ڵام کۆبوونه‌وه‌ی بالی جیاوازه‌.
جگه‌ له‌ ڕێبازدانه‌ران، سه‌دان گه‌نج له‌ 150 وڵاتی جیاوازه‌وه‌ کار ده‌که‌ن له‌سه‌ر پێشنیازه‌کان له‌ باره‌ی ته‌ندروستی، په‌روه‌رده‌و مافه‌کانی زاوزێ.
ده‌رنجامه‌کانی ئه‌م کۆنفرانسه‌ ده‌خرێته‌ به‌رده‌م ئه‌نجومه‌نی گشتی نه‌ته‌وه‌ یه‌کگرتووه‌کان و له‌لایه‌ن ڕێکخراوه‌کانی دیکه‌ی نه‌ته‌وه یه‌کگرتووه‌کانه‌و تاوتوێ ده‌کرێت له‌ به‌رانامه‌کانی پێشکه‌تنی داهاتوودا.
بۆ ئه‌وانه‌ی که‌ خۆیان له‌ بالی ئاماده‌ نه‌بوون له‌و کۆنفرانسه‌دا کۆنفرانسێکی تۆڕی ئینته‌رنێت پێک هاتووه‌ که‌ پێی ده‌ڵێن world café ۔
تا ئێستا زیاتر له‌ 2 هه‌زار گه‌نج له‌ 26 وڵاتی جیاوازه‌وه‌ به‌شدارییان تێدا کردووه‌.
XS
SM
MD
LG