Accessibility links

کۆنفرانسى ئاشتبوونەوەى نیشتمانى لە کەرکوک گرژى وئاڵۆزى تێدا پەیدا بوو


ئەمڕۆ چوارشەممە بەسەرپەرشتى سەرۆک وەزیرانى عێراق نورى ئه‌لمالیکى و راوێژکارى سەرۆک وەزیران بۆ کاروبارى ئاشتبوونەوەى نیشتمانى دکتور عامر ئه‌لخوزاعى ، لە ژێر دورشمى ( واعتصموا بحبل الله جمیعا)، نوێنەرایەتى کەرکوکى ئاشتبوونەوەى نیشتمانى سێیەمین کۆنفرانسی خۆى لە پارێزگاى کەرکوک سازدا ، بۆ چۆنێتى چارەسەرکردنى کێشەکانى نێوان حکومەتى ناوەند و هەرێمى کوردستان، ئەمەو کۆنفرانسەکە گرژی و ئاڵۆزیه‌ک دروست بوون، بە تایبەتى پاش خوێندنەوەى وتاری نوێنەرى یەکێتى نیشتمانى کوردستان لە لایەن هۆشیار عه‌بدولڕه‌حمان لێپرسراوى پەیوەندیـیەکانى یەکێتى نیشتمانی لە کەرکوک ، لە وتارەکەیدا باسی لە کێشەکانى نێوان هەولێر و بەغدا کرد و هەروەها لێدوانە توندەکەى نورى ئه‌لمالیکى سەرۆک وەزیرانى عێراق بەوەى کە لێدوانەکانى مالیکى کێشەکان زیاتر قوڵ دەکه‌نه‌وه‌.
بەو هۆیەوە ژمارەیەک لە بەشداربووانى عەرەب لە کۆنفرانسەکە چوونە دەرەوەى هۆڵەکە و کۆنفرانسەکەیان بەجێ هێشت.
حسێن علی ساڵح سەرۆکى ئەنجوومەنى قەزاى حەویجە و ئەندامى ئەنجومەنى سیاسی عەرەبى لە کەرکوک لەو بارەیەوه‌ وتى " ئەگەر لایەنى بەرامبەر هەڵه‌یەکى کرد پـێی بووترێت هەڵەت کرد لە پـێناو بگەینە ئامانج ، وڵات ئاوا دروست دەکرێت ، وڵاتان وا دروست بوون، بەم شێوەیە پەیوەندیـیەکان دروست دەبێت، نەک بە هێرش بردن و رقەبەرایەتى لە نێوانماندا، هەموو زەرەرمەند دەبین کەسمان براوە نابین. ئێمە کار دەکەین لە پـێناو هێورکردنەوى بارودۆخەکە، هەموو داواکارین بە چارەسەرکردنى کێشەى کەرکوک."
هه‌روەها وتى " ئێمەى عەرەب لە هەموو بوارێک پشتگوێ خراوین لە کەرکوک، لە ئەنجومەنى پارێزگا و دامودەزگا حکومیـیەکان، بۆیە داواکارین لە نوێنەرانى ئەنجومەنى نیشتمانى داوا کاریەکانمان پشتگوێ نەخەن و لە هەوڵدابن بۆمان."
هۆشیار عەبدلڕحمان لێپرسراوى پەیوەندیـیەکانى یەکێتى نیشتمانى کوردستان لە کەرکوک وتى " کۆنگرەکە گوازرایەوە بۆ ئاشتبوونەوەى نیشتمانى، من وتارى یەکێتى نیشتمانیم پـێشکەش کرد ، باسی راستیەکانم کردووە ، باسی بارودۆخى کەرکوکم کردووە ، باسی ئەوەم کرد ئۆپه‌راسیۆنى دیجلە لەگەڵ جێبەجێکردنى پرۆژەکان و ئاشتبوونەوەى نیشتمانى ناگونجیت. من باسی راستیەکانم کرد، ئەوان دەرچوونە دەرەوە ، ئەوە گرنک نیـیە ، ئەوان ئەمە کارى ئەم جارەیان نیـیە ئەم کوتلەیە کە دەرچوونە دەرەوە ( ابو سدام ) لە هەموو شوێنک ئەمە رفتاریانە. له هەر شوێنێک بە دڵیان نەبێت گوێشیان لەگەڵ ئەوە راهاتووە گوێان لە وشەى کوردى نەبێت پێداهەڵبدەن. ئەمەى ئەمڕۆ لە کەرکوک دەکرێت لەگەڵ ئاشتبوونەوە ناگونجێت، وشەکەم لەوێ توند بوو ئێمەى کورد بە هیج شێوەیەک قبوڵی ناکەین، ئێمە لەگەڵ شەڕدا نین هەتا رێگا دیالۆک ودانیشتن و ریگایى عه‌قلانى هەبێت رێگاى تر ناگرینەبەر، بەڵام شەڕمان پێ بفرۆشن دەستە وەستان ناوەستین، وە دە کونگرەى تر وەکو ئەوه‌ى ئەمڕۆ ببەستن، نابێتە هۆى جارەسەرکردنى کێشەکان . هۆکارى ئەوەیە نەتەوەى سەربەرز لە سەر ئەوە رانەهاتووە نەتەوەیەکى تر بە ئازادى ودیموکراتى، و هێشتا تەقبولى دیموکراتیه‌ت ناکەن و ئەو عەقلیەتە لاوازە لێرە."
ئەمە و گۆنفرانسەکە ئامانجەکانى خۆى نەپـێکا، بەڵکوو کرژى و ئاڵۆزیـیەکان زیاتر بوون لە نێو ئامادەبوان، و ژمارەیەک لەوانەى کۆنفراسەکەیان بەجێهێشت نەگەڕانەوە نێو کۆنفرانسەکە و لە کۆتایـیدا بڕوانامە و قەڵغانى کۆنفرانسەکە دابەش کرا بەسه‌ر ژمارەیەک لە ئامادەبوان.
XS
SM
MD
LG