Accessibility links

هێله‌ری کلنتن: به‌کارهێنانی چه‌کی کیمیاوی له‌ لایه‌ن سوریاوه‌ "هێڵی سووره‌"

  • VOA News

وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مه‌ریکا هێله‌ری کلنتن ئاگاهی به‌ حکومه‌تی به‌شـار ئه‌سه‌دی سه‌رۆکی سوریا دا له‌وه‌ی به‌کارهێنانی چه‌کی کیمیاوی له‌لایه‌ن له‌شـکری سوریاوه‌ له‌ دژی گه‌له‌که‌ی هێڵی سووره‌ بۆ ئه‌مه‌ریکا.
ئه‌مڕۆ دووشه‌ممه‌ له‌ پاش کۆبوونه‌وه‌ی له‌گه‌ڵ کارل شوارزنبێرگ وه‌زیری ده‌ره‌وه‌ی چیک له‌ براگ، هێله‌ری کلنتن ئه‌مه‌ی ڕاگه‌یاند و گوتی له‌ ئێسـتا هیچ له‌ باره‌ی کاردانه‌وه‌ی ئه‌مه‌ریکا ناڵێت، به‌ڵام بێ گومان ڕێوشوێنی پـێویست ده‌گرینه‌به‌ر ئه‌گه‌ر بێت و ئه‌وه‌ ڕووبدات.
له‌ به‌رامبه‌ر ئه‌م لێـدوانه‌ی هێله‌ری کلنتن، وه‌زاره‌تی ده‌ره‌وه‌ی سوریا به‌یانـنامه‌یه‌کی ده‌رکرد و تیایدا گوتی حکومه‌ته‌که‌یان له‌ ژێر هه‌رچی بارودۆخێـکدا بێت چه‌کی کیمیاوی له‌ دژی گه‌له‌که‌ی به‌کارناهێنێت.
جێی ئاماژه‌یه‌ له‌ دوو ڕۆژی ڕابردوو ڕاپـۆرت هه‌بوون باسیان له‌ چه‌ند جموجۆڵێـکی نائاسایی حکومه‌تی سوریا ده‌کرد که‌ ڕه‌نگه‌ ئاماده‌کاری بێت بۆ شیانی به‌کارهێنانی چه‌کی کیمیاوی.
XS
SM
MD
LG