Accessibility links

له‌ ئاکامی داڕمانی به‌شێـکی تونێلێـک له‌ ژاپـۆن به‌ لایه‌نی که‌م 3 که‌س گیانیان له‌ده‌سـتده‌ده‌ن

  • VOA News

کاربه‌ده‌سـتانی ژاپـۆن ده‌ڵێن به‌یانی ئه‌مڕۆ یه‌کشه‌ممه‌ داڕمان له‌ تونێلێـک ڕوویداوه‌ که‌ ده‌که‌وێته‌ سه‌ر ڕێـگه‌یه‌کی سه‌ره‌کی له‌ ڕۆژئاوای تۆکیۆی پایته‌خت و بووه‌ته‌ مایه‌ی گیان له‌ده‌ستدانی 3 که‌س.
پـۆلیس ده‌ڵێت چه‌ند ته‌رمێـکیان به‌ سووتاوی لای ئۆتۆمبیلێـک بینیوه‌ته‌وه‌ که‌ ئاگری گرتبوو. هه‌تا ئاماده‌کردنی ئه‌م هه‌واڵه‌ هێشـتا ژماره‌یه‌ک که‌س بێ سه‌روشوێنن، بۆیه‌ شیانی هه‌یه‌ ژماره‌ی قوربانیـیه‌کان زیاترببن.
دوو که‌سیش به‌ سووکی برینداربوون و ڕه‌وانه‌ی نه‌خۆشخانه‌ کراون.
ئه‌وانه‌ی ئۆتۆمبیله‌کانیان له‌ ناو تونێلکه‌ قه‌تیس بوو، ناچاربوون به‌ پـیاده‌ له‌ تونێله‌که‌ بێنه‌ ده‌رێ.
ڕاپـۆرته‌ ته‌له‌فیزیۆنیـیه‌کان نیشـانیان ده‌دا چۆن دوکه‌ڵی ڕه‌ش له‌ تونێله‌که‌وه‌ ده‌هاته‌ ده‌رێ. تونێله‌که‌ به‌ ساساگۆ ناسراوه‌ و درێژیـیه‌که‌ی 4.7 کیلۆمه‌تره‌ و ده‌که‌وێته‌ ناوچه‌ی یاماناشی که‌ نزیکه‌ی 80 کیلۆمه‌تر له‌ ڕۆژئاوای تۆکیۆوه‌ دوره‌.
کارمه‌ندانی ئاگرکوژێنه‌وه‌ له‌ کاژمێر 11 ی پـێش نیوه‌ڕۆ توانیـیان ئاگری ناو تونێله‌که‌ بکوژێنه‌وه‌، واته‌ پاش نزیکه‌ی 3 کاژمێر له‌ ڕووداوه‌که‌.
XS
SM
MD
LG