Accessibility links

له‌سه‌ر فلیمه‌که‌ی دژی ئیسلام 8 که‌س حوکمی ئیعدام ده‌درێن

  • VOA News

دادگایه‌کی میسر ئه‌مڕۆ چوارشه‌ممه‌ بڕیاری له‌سێداره‌دانی بۆ 8 که‌س ده‌رکرد به‌ تاوانی به‌شـداریـیان له‌ به‌رهه‌مهێنانی ئه‌و فلیمه‌ی که‌ تیایدا سووکایه‌تی به‌ ئاینی ئیسلام ده‌کرێت.
دادگای قاهیره‌ ئه‌مڕۆ له‌ دانیشـتنه‌که‌یدا ئه‌و حوکمه‌ی دا به‌سه‌ر ئه‌و 8 که‌سه‌ که‌ حه‌وتیان قبتی به‌ ڕه‌چه‌ڵه‌ک میسرین و که‌سی هه‌شته‌میش تێری جۆنزی قه‌شه‌ی کڵێسـای دۆفه‌ له‌ ویلایه‌تی فلۆریدا.
دادگاکه‌ ده‌ڵێت ئه‌مانه‌ له‌و فلیمه‌دا سووکایه‌تیـیان به‌ ئاینی ئیسلام کردووه‌ و قسه‌ی نادوروسـتیان له‌ باره‌ی ئیسلام بڵاوکردووه‌ته‌وه‌ و هه‌روه‌ها یه‌کپارچه‌یی وڵاتی میسریان خیستووه‌ته‌ به‌ر مه‌ترسیـیه‌وه‌. ئه‌م تاوانه‌ش به‌ پـێی یاسای میسر سـزاکه‌ی له‌سێداره‌دانه‌.
XS
SM
MD
LG