Accessibility links

وه‌زیری پـێشمه‌رگه‌ی کوردسـتان: جارێکی دیکه‌ داگیرکه‌ر پـێ ناخاته‌وه‌ سه‌ر خاکی کوردسـتان

  • له‌تیف نـێروه‌یی

وه‌زیری پـێشـمه‌رگه‌ی هه‌رێمی کوردسـتان له‌ میانه‌ی سه‌ردانیدا بۆ هێزه‌کانی پـێشـمه‌رگه‌ له‌ ناوچه‌ جێ ناکۆکه‌کاندا گوتوویه‌تی ڕێگه‌ نادرێت جارێـکی دیکه‌ ناوچه‌کانی کوردسـتان داگیربکرێنه‌وه‌.
شێخ جه‌عفه‌ر مسته‌فا له‌ لێـدوانێکیدا بۆ ڕۆژنامه‌وانان گوتی " نابێت ڕێگه‌ به‌ هیچ هێزێـکی داگیرکه‌ر بدرێت پـێ بنێته‌ ناو خاکی کوردسـتان بۆ داگیرکردنی کوردسـتان."
گوتیشی ئه‌وان‌ وه‌ک کورد و پـێشمه‌رگه‌ و سه‌رکردایه‌تی سیاسی کوردسـتان خوازیاری شه‌ڕ نین و باوه‌ڕیـیان به‌ دانوسـتاندن هه‌یه‌، چونکه‌ کێشه‌ ته‌نها به‌ دانوسـتاندن چاره‌سه‌ر ده‌کرێت، وه‌لێ ئاماده‌ن به‌رگری له‌ خۆیان بکه‌ن.
پاشـان جه‌ختی کرده‌وه‌ سه‌ر ئاماده‌یی هێزه‌کانی پـێشـمه‌رگه‌ و گوتی هێزه‌کانیان له‌ هه‌موو ڕوویه‌که‌وه‌ له‌ ئه‌وپه‌ڕی ئاماده‌باشیدان و وره‌یان به‌رزه‌ و بڕوایان به‌ مه‌سه‌له‌که‌یان هه‌یه‌، بۆیه‌ هیچ هێزێـک نیـیه‌ سه‌نگه‌ره‌کانیان پـێ‌چۆڵ بکات.
XS
SM
MD
LG