Accessibility links

چالاکوانانی سوریا: سه‌رهه‌ڵـداوان فڕۆکه‌خانه‌یه‌کی له‌شـکری له‌ نزیک دیمه‌شق کۆنترۆڵ ده‌که‌ن

  • VOA News

کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ بریتانیا ده‌ڵێت سه‌رهه‌ڵـداوانی ئۆپـۆزسیۆن کۆنترۆڵی فڕۆکه‌خانه‌ی مه‌رج ئه‌لسوڵتانی له‌شـکریـیان کردووه‌ که‌ ده‌که‌وێته‌ غۆته‌ی شه‌رقی له‌ دوری نزیکه‌ی 15 کیلۆمه‌تر له‌ دیمه‌شقی پایته‌خت.
ڕامی عه‌بدولڕه‌حمان به‌رپـرسی کۆمه‌ڵه‌که‌ ده‌ڵێت له‌ دوێنێ شه‌ممه‌وه‌ شه‌ڕه‌که‌ له‌و ناوچه‌یه‌ هه‌ڵگیرساوه‌ بۆ کۆنترۆڵکردنی ئه‌و فڕۆکه‌خانه‌یه‌ی تایبه‌ته‌ به‌ هه‌لیکۆپته‌ر‌. ده‌شڵێت به‌ لایه‌نی که‌م 15 سه‌رهه‌ڵـداو و 8 سه‌ربازی حکومه‌ت کوژراون.
چالاکوانان ده‌ڵێن سه‌رهه‌ڵـداوان به‌ گولـله‌ ئارپـیجی 2 هه‌لیـکۆپته‌ریان تێـکشـکاندووه‌ و هه‌روه‌ها ده‌سـتیانگرتووه‌ به‌سه‌ر تانکێـکدا له‌و فڕۆکه‌خانه‌یه‌ی شوێنی چه‌ند سـیسته‌مێـکی ڕاداریشه‌.
هاوکات شه‌ڕوپـێـکدادان و بۆردومانکردن له‌ چه‌ندین ناوچه‌ی وڵاته‌که‌ به‌رده‌وامبوون.
مه‌زه‌نده‌ده‌کرێت له‌وه‌تای له‌ مانگی سێی 2011 وه‌ ڕاپه‌ڕینی خه‌ڵـکی سوریا ده‌سـتیپـێـکردووه‌، زیاتر له‌ 40 هه‌زار که‌س له‌و نێوه‌دا کوژرابن.
XS
SM
MD
LG