Accessibility links

له‌شکری عێراق کورده‌کان به‌ چوونه‌ ناو ناوچه‌ جێناکۆکه‌کان گوناهبار ده‌کات


کۆلۆنێڵ زیا ئه‌لوه‌کیل

کۆلۆنێڵ زیا ئه‌لوه‌کیل

گه‌وره‌ ده‌مڕاستی له‌شکری عێراق هێزی پێشمه‌رگه‌ی هه‌رێمی کوردستانی عێراق گوناهبار ده‌کات به‌وه‌ی چه‌ند یه‌که‌یه‌کی هێزه‌کانیان ناردۆته‌ دوو شاره‌وه‌ که‌ ده‌که‌ونه‌ ناو ناوچه‌ جێناکۆکه‌کان.
نوری ئه‌لمالیکی

نوری ئه‌لمالیکی



ئه‌م گوناهبارکردنه‌ له‌ نێوه‌ندی هه‌روادێ و ئاڵۆزبوونی زیاتری پشێوی و ناکۆکیه‌کانه‌ له‌ نێوان حکومه‌تی نێوه‌ندی له‌ به‌غدا و هه‌رێمی خودموختاری کورده‌کاندا.

کۆلۆنێڵ زیا ئه‌لوه‌کیل، به‌ ئاژانسی ده‌نگ و باسی ئه‌سیۆشێتد پرێسی گوتووه‌ یه‌که‌کانی هێزی پێشمه‌رگه‌ی کوردستان که‌ بنکه‌ی موشه‌کی و تۆپخانه‌شیان له‌گه‌ڵه‌ چونه‌ته‌ ناو شاره‌کانی خانه‌قین و که‌رکوکیشه‌وه.

دیمه‌نێکی شاری که‌رکوک

دیمه‌نێکی شاری که‌رکوک



هه‌ردوو شاری خانه‌قین و که‌رکوک به‌شیکن له‌و ناوچانه‌ی به‌ ناوچه‌ دابڕێندراوه‌کان ناودێر کراون و وه‌هاش بڕیاره‌ ئاینده‌ی ئه‌م شارانه‌ و زۆر ناوچه‌ی تریش له‌ عیراقدا به‌پێی به‌ندی 140ی ده‌ستوری عێراق دیاربکرێن.

ئه‌لوه‌کیل ئاماژه‌ی به‌وه‌ش کردووه‌ که‌ به‌شێک له‌ پێشمه‌رگه‌کانی هه‌رێمی کوردستانی عێراق به‌ جل و به‌رگی سیڤیڵیه‌وه‌ چوونه‌ته‌ ناو شاره‌کانه‌وه‌.

به‌ڵام هاوکات مه‌حمود سه‌نگاوی ، که‌ سه‌رکرده‌یه‌کی هێزی پێشمه‌رگه‌ی کوردستانه‌ نکوڵی له‌و هه‌واڵه‌ کردووه‌.
دیمه‌نێک له‌ خانه‌قینه‌وه‌

دیمه‌نێک له‌ خانه‌قینه‌وه‌



په‌یوه‌ندیه‌ خراپه‌کانی نێوان به‌غدا و هه‌ولێر له‌ مانگی ده‌ی ڕابردووه‌وه‌ خراپتر بوون به‌هۆی پێکهێنانی هێزێکی نوێی له‌شکرییه‌وه‌ له‌لایه‌ن نوری ئه‌لمالیکی سه‌ره‌ک وه‌زیری عێراقه‌وه‌ به‌ ناوی هێزی ئۆپه‌راسیۆنی دیجله‌ و له‌ ناوچه‌ جێناکۆکه‌کان دانراوه‌.
XS
SM
MD
LG