Accessibility links

ئۆفیسێـکی که‌ناڵی جه‌زیره‌ له‌ قاهیره‌ به‌ بۆمبی مۆلۆتۆف لایه‌کی ده‌سوتێنرێت

  • VOA News

ئۆفیسی که‌ناڵی ڕاسته‌وخۆی ئه‌لجه‌زیره‌ له‌ قاهیره‌ی پایته‌خی میسر به‌ بۆمبی مۆلۆتۆف لایه‌کی سووتێنرا، به‌ڵام هیچ زیانی گیانی لێ‌نه‌که‌وتووه‌ته‌وه‌.
ئه‌مڕۆ چوارشه‌ممه‌ له‌و ده‌مه‌ی خۆپـیشـاندانی ناڕه‌زایی له‌سه‌ر شه‌قامی به‌رده‌می ئۆفیسه‌که‌ له‌ نزیک مه‌یدانی ته‌حریر به‌ڕێوه‌ده‌چوو، کۆمه‌ڵێـک خۆپـیشـانده‌ر چه‌ند بۆمبێـکی مۆلۆتۆفیان گرتووه‌ته‌ ئۆفیسه‌که‌ و له‌ ئاکامدا ئاگر به‌ربووه‌ته‌ لایه‌کی سـتودیۆکانی‌. هاوکات ژماره‌یه‌ک خۆپـیشـانده‌ریش هه‌وڵیان داوه‌ خۆیان به‌ ناو بینای ئۆفیسه‌که‌دا بکه‌ن.
ناسر ئه‌لحوسه‌ینی په‌یامنێری ئه‌لجه‌زیره‌ له‌ قاهیره‌ له‌ ڕاپـۆرتێـکیدا گوتی ئه‌نجامده‌رانی هێرشه‌که‌ نه‌ناسراون. هه‌روه‌ها که‌سیش به‌رپـرسیارێتی خۆی لێ ڕانه‌گه‌یاندووه‌.
وه‌زاره‌تی ناوخۆی میسر له‌ به‌یانـنامه‌یه‌کدا ڕایگه‌یاند که‌وا له‌ خۆپـیشـاندانه‌کانی ئه‌مڕۆدا 118 که‌سی ده‌سـتگیرکردووه‌ به‌ تاوانی ده‌سـتدرێژیکردن بۆ سه‌ر هێزه‌کانی ئاسایش و داموده‌زگا کرنگه‌کانی ناوچه‌ی مه‌یدانی ته‌حریر.
XS
SM
MD
LG