Accessibility links

میسر به‌ڵێن ده‌دات کار بکات بۆ به‌دیهێنانی ئاگربه‌ست له‌ نێوان ئیسرائیل و حه‌ماسدا

  • VOA News

سه‌رۆک وه‌زیری میسر به‌ڵێنی داوه‌ هه‌وڵه‌کانی چڕ بکاته‌وه‌ بۆ به‌دیهێنانی ئاگربه‌سـتێـک له‌ نێوان ئیسرائیل و بزوتنه‌وه‌ی حه‌ماس که‌ کونتڕۆڵی که‌رتی غه‌ززه‌ ده‌کات.
هیشام قه‌ندیل ئه‌مڕۆ هه‌ینی ئه‌مه‌ی له‌ میانه‌ی سه‌ردانیدا بۆ غه‌ززه‌ ڕاگه‌یاند و گوتی " شۆڕشی میسر هه‌موو هه‌وڵێـک و قوربانیـیه‌ک ده‌دات له‌ پـێـناو ڕاگراتنی ئه‌م دوژمنکاریـیه‌ و به‌دیهێنانی ئاگربه‌سـتێـک که‌ به‌رده‌وامبوونی مسۆگه‌ربکرێت و هه‌روه‌ها ئاشتیـیه‌کی ڕه‌وا بۆ دامه‌زراندنی ده‌وڵه‌تێـکی فه‌ڵه‌سـتینی که‌ پایته‌خته‌که‌ی قودس بێت، ئه‌مه‌ش تاکه‌ ڕێـگه‌یه‌ بۆ گه‌یشتن به‌ ئارامی له‌ ناوچه‌که‌دا.
له‌ قاهیره‌ی پایته‌ختی میسریش، محه‌مه‌د مورسی سه‌رۆکی ئه‌و وڵاته‌ له‌ میانه‌ی وتاره‌که‌یدا له‌ نوێژی هه‌ینی گوتی ئه‌و هێرشانه‌ی ئیسرائیل بۆ سه‌ر غه‌ززه‌ دوژمنکاریـیه‌کی ڕوون و ئاشـکرایه‌ که‌ به‌رامبه‌ر مرۆڤایه‌تی ده‌کرێت.
XS
SM
MD
LG