Accessibility links

وتووێژی ئه‌مریکا و ئه‌فغانستان

  • VOA News

کاربه‌ده‌ستانی وڵاته‌ یه‌کگرتووه‌کانی ئه‌مریکا و ئه‌فغانستان ده‌ستیان کردووه‌ به‌ وتووێژکردن بۆ دیاریکردنی ژماره‌ی ئه‌و سه‌ربازه‌ ئه‌مریکاییانه‌ی له‌ ئه‌فغانستان ده‌مێننه‌وه‌ پاش کشانه‌وه‌ی هێزه‌ بیانیه‌کان که‌ بڕیاره‌ له‌ کۆتایی ساڵی 2014 دا هێزی جه‌نگیی نێونه‌ته‌وه‌یی بکشێنه‌وه‌.
ئه‌مڕۆ 5 شه‌ممه‌ نوینه‌رانی هه‌ردوو وڵات تاووتوێی ڕێکه‌وتنی دوو لایه‌نه‌ی ئاسایشیی نێوانیان کردوه‌ له‌ کابوڵ.
له‌م وتووێژانه‌دا سه‌نگی ده‌خرێته‌ سه‌ر ئه‌رکی هێزه‌ سه‌ربازیه‌کانی ئه‌مریکا له‌ ئه‌فغانستان له‌ پاش ساڵی 2014 ه‌وه‌ و هه‌روه‌هاش شوێن و ژماره‌ی بنکه‌کانی ئه‌مریکا له‌ ئه‌فغانستان.
یه‌کێک له‌ مه‌سه‌له‌ هه‌ستیاره‌کانی تر که‌ له‌م وتووێژانه‌دا باس ده‌کرێن ئه‌گه‌ر نه‌گه‌ری دادگایی کردنی سه‌ربازی ئه‌مریکاییه‌ به‌ یاساکانی ئه‌فغانستان.

ده‌مێکه‌ حامد کارزایی سه‌رۆکی ئه‌فغانستان داوا ده‌کات ئه‌و سه‌ربازه‌ ئه‌مریکاییانه‌ی له‌ وڵاته‌که‌یدا ده‌مێننه‌وه‌ پێویسته‌ له‌ دادگا خۆجێیه‌کانی ئه‌فغانستاندا دادگایی بکرێن.
هه‌رچی واشنتۆنیشه‌ جه‌خت ده‌کاته‌وه‌ له‌وه‌ی هه‌ر تاوانێک له‌ لایه‌ن سه‌ربازه‌کانیه‌وه‌ کرا ئه‌وا پێویسته‌ له‌ناو ئه‌مریکادا دادگایی بکرێن.
XS
SM
MD
LG