Accessibility links

ئێران ده‌ڵێت به‌ نیازه‌ میوانداری کۆبوونه‌وه‌یه‌کی سوریـیه‌کان بکات

  • VOA News

ئاژانسی ده‌نگ‌وباسی حکومه‌تی ئێران ئه‌مڕۆ سێشه‌ممه‌ ڕایگه‌یاند که‌وا حکومه‌تی وڵاته‌که‌یان به‌ نیازه‌ هه‌فته‌ی داهاتوو میوانداری کۆبوونه‌وه‌یه‌ک بکات به‌ مه‌به‌ستی سـازدانی وتووێژ له‌ نێوان سوریـیه‌کاندا.
ئاژانسه‌که‌ له‌ زاری جێـگری وه‌زیری ده‌ره‌وه‌ حسێن ئه‌میر عه‌بدول لهیانه‌وه‌ ڕایگه‌یاند ئه‌م کۆبوونه‌وه‌ یه‌ک ڕۆژیـیه‌ له‌ ژێر ناونیشـانی " نا بۆ توندوتیژی .. به‌ڵێ بۆ دیموکراسی" ده‌بێت.
حسێن ئه‌میر گوتوشیه‌تی له‌و کۆبوونه‌وه‌یه‌دا نوێنه‌رانی پـێـکهاته‌ و که‌مایه‌تیـیه‌کان و حزبه‌ سیاسیـیه‌کان و ئۆپـۆزسیۆن و هه‌روه‌ها نوێنه‌رانی حکومه‌ت تیایدا به‌شـدار ده‌که‌ن. به‌ڵام نه‌یگوت ئه‌و ئۆپـۆزسیۆنانه‌ کێن نوێنه‌ر ده‌نێرن.
لایه‌نه‌کانی ئۆپـۆزسیۆنی سوریا ده‌ڵێن ئێران هاوکاری ڕژێمی ئه‌سه‌د ده‌کات له‌ سه‌رکوتکردنی ڕاپه‌ڕینی خه‌ڵـکی سوریا و هێزی تایبه‌ت و چه‌ک بۆ حکومه‌تی سوریا ڕه‌وانه‌ ده‌کات.
هه‌روه‌ها ئۆپـۆزسیۆنی سوریا ڕه‌تی ده‌کاته‌وه‌ هه‌ر جۆره‌ وتووێژ و دانوسـتاندنێـک له‌گه‌ڵ ڕژێمی به‌شـار ئه‌سه‌ددا بکات.
XS
SM
MD
LG