Accessibility links

جۆرج سه‌برا به‌ سه‌رۆکی نوێی ئه‌نجومه‌نی نیشـتیمانی سوریا هه‌ڵده‌بژێردرێت

  • Balen Salih

ئێواره‌ی ئه‌مڕۆ هه‌ینی له‌ دۆحه‌ی پایته‌ختی قه‌ته‌ر سـکرتاریـیه‌تی گشـتی ئه‌نجومه‌نی نیشتیمانی ئۆپـۆزسیۆنی سوریا جۆرج سه‌برا، که‌سایه‌تی ناسراوی خۆی به‌ سه‌رۆکی نوێی ئه‌نجومه‌نه‌که‌یان هه‌ڵبژارد.
جۆرج سه‌برای ته‌مه‌ن 65 سـاڵ که‌ کاتی خۆی کۆمۆنیست بووه‌، وا ئێسـتا شوێنی عه‌بدولباست سه‌یدا ده‌گرێته‌وه‌. به‌وه‌ش ده‌بێته‌ سێـیه‌م سه‌رۆکی ئه‌نجومه‌نه‌که‌ له‌ پاش سه‌یدا و بورهان غه‌لیون.
پـێشـتر هه‌ر ئه‌مڕۆ ئه‌و سـکرتاریـیته‌ 41 ئه‌ندامه‌ی ئه‌نجومه‌نه‌که‌ 11 ئه‌ندامی بۆ ئۆفیسی جێبه‌جێـکاری (المکتب التنفیذي) خۆی هه‌ڵبژارد، که‌ بریتین له‌ عه‌بدولباست سه‌یدا و جۆرج سه‌برا و هیشام مه‌روه‌ و سـالم ئه‌لمسڵت و حسێن ئه‌لسه‌ید و جه‌مال ئه‌لوه‌رد و فاروق ته‌یفور و نه‌زیر ئه‌لحه‌کیم و عه‌بدولئه‌حه‌د ئه‌ستیفۆ و خالد ئه‌لساڵح و ئه‌حمه‌د ڕه‌مه‌زان.
XS
SM
MD
LG