Accessibility links

نه‌ته‌وه‌ یه‌کگرتووه‌کان: شه‌وی ڕابردوو 9 هه‌زار ئاواره‌ی سوری گه‌یشـتوونه‌ته‌ تورکیا

  • VOA News

کاربه‌ده‌سـتێـکی نه‌ته‌وه‌ یه‌کگرتوووه‌کان ئه‌مڕۆ هه‌ینی گوتی شه‌وی ڕابردوو نزیکه‌ی 9 هه‌زار هاوڵاتی سوری له‌تاو توندوتیژیـیه‌کانی ناو وڵاته‌که‌یان بۆ ناو تورکیا هه‌ڵاتوون.
ئه‌دریان ئێدواردز گوته‌بێژی ئاژانسی په‌نابه‌رانی سه‌ر به‌ نه‌ته‌وه‌ یه‌کگرتووه‌کان ئه‌مه‌ی بۆ ئاژانسی ده‌نگ‌وباسی ئه‌سۆشیه‌تد پـرێس ڕاگه‌یاند و گوتی ئاواره‌کان خۆیان کردوو به‌ تورکیا‌ و گه‌یشـتوونه‌ته‌ شـاری ئۆرفه‌. هه‌تا ئێسـتا نه‌ته‌وه‌ یه‌کگرتووه‌کان 5 هه‌زاری ناونووس کردوون و به‌رده‌وامه‌ له‌ ناونووسکردنی ئه‌وانی دیکه‌.
گوته‌بێژه‌که‌ گوتیشی خه‌ڵکه‌که‌ له‌تاو شه‌ڕی نێوان هێزه‌کانی ئۆپـۆزسیۆن و حکومه‌ته‌وه‌ هه‌ڵاتوون و زیاتر له‌ 70 که‌سیشیان برینداربوون و هه‌واڵ هه‌یه‌ که‌ دووانیان به‌هۆی سه‌ختی برینه‌کانیانه‌وه‌ گیانیان له‌ده‌سـتداوه‌.
کاربه‌ده‌سـتێـکی تورکیش گوتوویه‌تی ئه‌م ئاوارانه‌ له‌ شـارۆچکه‌ی حارمی پارێزگای ئیدلیب و شـارۆچکه‌ی ڕه‌ئس ئه‌لعه‌ینی پارێزگای ئه‌لحه‌سه‌که‌وه‌ هه‌ڵاتوون که‌ له‌و دوو ناوچه‌یه‌ سه‌رهه‌ڵـداوان ده‌سـتیان گرتووه‌ به‌سه‌ر شوێنه‌کانی حکومه‌تدا.
به‌م ئاواره‌ نوێـیانه‌، ژماره‌ی په‌نابه‌ره‌ سوریـیه‌کان له‌ تورکیا گه‌یشته‌ نزیکه‌ی 120 هه‌زار که‌س.
XS
SM
MD
LG