Accessibility links

تورکیا ده‌ڵێت 3 که‌سی به‌ گولـله‌ی سوریـیه‌کان برینداربوون

  • VOA News

ئاژانسی ده‌نگ‌وباسی ئه‌نتۆلیای حکومه‌تی تورکیا ده‌ڵێت 3 هاوڵاتی تورک له‌ نزیک سـنووره‌کانی له‌گه‌ڵ سوریادا به‌ گولـله‌ی شه‌ڕه‌کانی ناو ئه‌و وڵاته‌وه‌ پـێوه‌بوون و برینداربوون.
ئاژانسه‌که‌ ده‌ڵێت له‌ ناوچه‌ی ڕه‌ئس ئه‌لعه‌ینی سوریا شه‌ڕوپـێـکدادان له‌ نێوان له‌شـکری حکومه‌تی سوریا و هێزه‌کانی ئۆپـۆزسیۆن ڕوویداوه‌ و گولـله‌ گه‌یشـتوونه‌ته‌ ناوچه‌ی "جیلان بنار" ی تورکیا و به‌ر ئه‌و 3 که‌سه‌ که‌وتووه‌.
ده‌سه‌ڵاتدارانی ناوچه‌که‌ بڕیاریان دا قوتابخانه‌کان دابخه‌ن هه‌تا ئه‌و ده‌مه‌ی ڕه‌وشه‌که‌ هێورده‌بێته‌وه‌.
گه‌واهیده‌ران ده‌ڵێن له‌وه‌تای به‌یانـیه‌وه‌ گوێـیان له‌ ده‌نگی شه‌ڕه‌ ته‌قه‌یه‌ی ناو سوریایه‌ که‌ له‌وێ سه‌رهه‌ڵـداوان ده‌یانه‌وێت به‌ ته‌واوی ده‌سـتبگرن به‌سه‌ر ده‌روازه‌ی ته‌ل ئه‌لئه‌بیه‌زی سه‌رسنوور له‌گه‌ڵ تورکیا.
XS
SM
MD
LG