Accessibility links

به‌شـار ئه‌سه‌د ده‌ڵێت هه‌ر له‌ سوریا ده‌ژی و ده‌مرێت

  • VOA News

به‌شـار ئه‌سه‌دی سه‌رۆکی سوریا ده‌ڵێت وڵاته‌که‌ی خۆی جێناهێڵێت و هه‌ر له‌وێ ده‌ژی و ده‌مرێت. هه‌روه‌ها ئاگاهی دا له‌ ده‌سـتێوه‌ردانی ده‌ره‌کی له‌ وڵاته‌که‌یدا.
له‌ چاوپـێـکه‌وتنێـکی ته‌له‌فیزیۆنی له‌گه‌ڵ که‌ناڵی "ڕووسیای ئه‌مڕۆ" ، ئه‌سه‌د گوتویه‌تی ئه‌گه‌ر بێت و ده‌سـتێوه‌ردانی ده‌ره‌کی له‌ سوریا ڕووبدات، ئه‌وا وه‌ک پـولی دۆمینه‌ که‌ چۆن به‌سه‌ر یه‌کدا ده‌که‌ون کاریگه‌ری به‌ جیهاندا ده‌بێت له‌ ئۆقیانوسی ئه‌تڵه‌سیـیه‌وه‌ هه‌تا ئۆقیانوسی پاسیفیـک.
که‌ناڵه‌که‌ ئه‌مڕۆ پـێـنجشه‌ممه‌ له‌ ماڵپه‌ڕه‌که‌ی خۆی به‌شێـک له‌ گوته‌کانی چاوپـێـکه‌وتنه‌که‌ی بڵاوکرده‌وه‌ و نووسیویه‌تی سبه‌ی هه‌ینی ته‌واوی چاوپـێـکه‌وتنه‌که‌ په‌خش ده‌کرێت، به‌ڵام ئاماژه‌ی به‌ کاتی سـازدانی نه‌کرد.
شایه‌نی باسه‌ چه‌ند ڕۆژێـک له‌مه‌وبه‌ر سه‌رۆک وه‌زیری به‌ریتانیا ده‌یڤد کامیرۆن له‌ چاوپـێـکه‌وتنێـکی ته‌له‌فیزیۆنیدا گوتی ده‌بێت کۆمه‌ڵی نێوده‌وڵه‌تی بژاره‌ی ده‌رکردنی ئه‌سه‌د له‌ سوریا‌ وه‌لاوه‌ نه‌نێت، ئه‌گه‌ر ئه‌وه‌ ده‌بێته‌ مایه‌ی کۆتایی‌هێنان به‌ شه‌ڕی ناوخۆی ئه‌و وڵاته‌.
XS
SM
MD
LG