Accessibility links

هه‌ڵبژاردنی ئه‌مه‌ریکا و کاردانه‌وه‌ی جیهان

  • Al Pessin
  • Salah Piroty

سه‌رنجی جیهان بۆ هه‌ڵبژاردنی ئۆباما

سه‌رنجی جیهان بۆ هه‌ڵبژاردنی ئۆباما

سه‌رله‌نوێ هه‌ڵبژاردنه‌وه‌ی سه‌رۆک ئۆباما له‌ ده‌وری جیهانه‌وه‌ به‌ به‌رفره‌وانی پێشوازی لێکرا، شوێنیک ناوبانگی له‌ چاو ئه‌مه‌ریکا له‌ پله‌یه‌کی سه‌رتر دابوه‌.

سه‌رله‌نوێ هه‌ڵبژاردنه‌وه‌ی سه‌رۆک ئۆباما له‌ ده‌وری جیهانه‌وه‌ به‌ به‌رفره‌وانی پێشوازی لێکرا، شوێنیک ناوبانگی له‌ چاو ئه‌مه‌ریکا له‌ پله‌یه‌کی سه‌رتر دابوه‌. په‌یامنیری ده‌نگی ئه‌مه‌ریکا، ئه‌ل په‌سین، له‌ له‌نده‌نه‌وه‌ ئه‌م ڕاپۆرته‌ی ناردوه‌.

سه‌رۆک ئۆباما له‌ ڕاوه‌رگرتنه‌کانی نێونه‌ته‌وه‌ییدا هه‌تا 75 له‌ سه‌د پشتیوانی هه‌بوه‌، و کاتێک خه‌ڵکی له‌نده‌ن به‌یانی به‌ هه‌واڵه‌که‌یان زانی و به‌ سه‌رله‌نوی هه‌لبژاردنه‌وه‌ی ئه‌و خوشحال بوون.

"پێم وایه‌ ئه‌مه‌ ئاکامێکی باشه‌. پێم وایه‌ ئه‌مه‌ ئه‌وه‌یه‌ که‌ جێهان له‌ ده‌ره‌وه‌ی ئه‌مه‌ریکا خوازیاری بوو. باوه‌ڕم وایه‌ ئه‌و ده‌ستێکی سه‌قامگیری به‌ سه‌ر مه‌سه‌له‌کاندا هه‌یه‌ و بۆ ئه‌مه‌ریکا باش ده‌بیت."

جێمز بۆیز کارناسی ئه‌مه‌ریکا له‌ کالیجی کینگی له‌نده‌ن کاردانه‌وه‌کان بۆی جێگای سه‌رسووڕمان نه‌بوو.

"له‌ ڕوانگه‌ی‌ ئوڕوپاییه‌وه‌، پێم وایه‌ تێگه‌یشتنی خۆشی گشتی ده‌بێت که‌ ئه‌و هه‌ڵبژێردراوه‌ته‌وه‌ و که‌ خۆی و کابینه‌که‌ی وا ده‌بینین ‌ وه‌ک دۆستێکی ئه‌وروپایی سه‌رقاڵی ئاستی جیهانه‌."

ڕێبه‌رانی جیهان په‌یامی پیرۆزباییان بۆ سه‌روک ئوباما نارد. له‌ سه‌ردانی بو ئوردون، سه‌روک وه‌زیری بریتانیا دێڤید کامڕون سه‌باره‌ت به‌ هه‌وڵی زیاتر بۆ کۆتایی هێنان به‌ کێشه‌که‌ی سوریا قسه‌ی کردن.

"ئه‌من به‌ سه‌رهاتی سه‌رسووڕهێنه‌رم سه‌باره‌ت به‌ ئه‌وه‌ که‌ له‌ سوریادا چی ڕووده‌دات گوێ لێ ده‌بێت و یه‌که‌م له‌ کاره‌کان ئه‌وه‌یه‌ ده‌مهه‌وێت له‌ گه‌ڵ سه‌رۆک ئۆباما باسی ئه‌وه‌ بکه‌م چلۆن ئێمه‌ ده‌بێت کاری زیاتر ئه‌نجام بده‌ین و چلۆن ئه‌م قه‌یرانه‌ چاره‌سه‌ربکه‌ین."

سه‌رۆکی ڕووسیا ڤلادمر پوتن، سه‌رۆکی حکومه‌تی ئاڵمان ئانگیلا مێرکێل و سه‌رۆک وه‌زیری ئیسرایل بنجامین نه‌تان یاهوو له‌ نێو ئه‌و ڕێبه‌رانه‌ دابوون که‌ پێشوازیان له‌ ئاکامه‌کانی ده‌نگدان کرد. به‌ڕێز نه‌تان یاهوو دۆستێکی له‌مێژینه‌ی ڕه‌که‌به‌ری پارتی کۆمار مێت ڕامنیه‌، به‌ڵام ئه‌و کوتی هاوبه‌ندی ئه‌مه‌ریکا- ئیسڕایل له‌ هه‌میشه‌ به‌هێزتره‌. هێشتا، له‌ سه‌ر شه‌قامه‌کانی ئوڕشه‌لیم، کاردانه‌وه‌ی تێکه‌ڵاو هه‌بوو.

"پێم وایه‌ ئه‌و بۆ ئیسڕایل باشه‌ چونکه‌ ئه‌و پشتیوانی له‌ ئێمه‌ ده‌کات. ئه‌و دانی هه‌رساڵه‌ی میلیاردها دۆڵار و هه‌ره‌ چه‌که‌کانی پێشکه‌وتوو به‌ ئیمه درێژه‌ پێده‌دات."

به‌ڵام ژنێکیش کوتی:

"تڕاژێدی. ئه‌وه‌ تڕاژێدێکی ڕاسته‌قینه‌یه‌. ئه‌من زۆر به‌ وردی وه‌دوای ئه‌وه‌ که‌وتوومه‌ ئۆباما له‌ توانای دابوه‌ چی ئه‌نجام بدات."

هه‌روه‌ها فه‌له‌ستینیه‌کانیش ڕای جیاوازیان هه‌بوو.

پیاویک ده‌ڵێت:
"ئێمه‌ ئێستا هیوادارین که‌ دوای سه‌رکه‌وتن بۆ دووهه‌م خۆل، ئه‌و کاریگه‌رتر ببێت چونکه‌ گوشارێکی که‌متری سیاسی له‌ سه‌ر ئه‌و ده‌بێت."

پیاوێکی تریش ده‌ڵێت:

"ناتوانم گۆڕانه‌کانی به‌ جیدی ببینم. ناتوانم له‌ به‌ر ئه‌وه‌ی ئه‌گه‌ر ئێوه‌ سه‌باره‌ت به‌ ئۆباما ده‌دوێن، هه‌ر پێشتر ئه‌و به‌ڵینی جۆربه‌جۆری داون، به‌ڵام ئێمه‌ لێره‌ وه‌ک فه‌له‌ستینی یه‌کان، هێچمان به‌دی نه‌کردووه‌."

و له‌ قاهیره‌، ده‌رمانناسێک ئاماژه‌ ده‌کات ئه‌و له‌ سه‌رۆک ئۆباما دڵگران بوه‌.

" ئه‌و له‌ زانکۆی قاهیره‌ وتارێکی باشی سه‌باره‌ت به‌ ڕێبازی ئه‌مه‌ریکا به‌رامبه‌ر به‌ خۆرهه‌ڵاتی ناوه‌ڕاست پێشکه‌ش کرد. به‌ڵام هێچ کام له‌ ئه‌و شتانه جێ به‌ جێ نه‌کران."

له‌ ئه‌فغانستانێ، خه‌ڵک به‌ ده‌نگی ئه‌مریکایان کوت ئه‌وان پێ خۆشحاڵن که‌ پلانی کێشانه‌وه‌ی هێزه‌کانی بیانی به‌ره‌وپێش ده‌چێت، و له‌ سازان له‌ گه‌ڵ تالیبان هیوایان بۆ ئه‌مه‌ریکا ده‌ربڕی.

له‌ مۆسکۆ، پیاوێک کوتی سه‌رۆک "سه‌نگ و سووکی ناسراوه‌،" له‌ حاڵێکدا به‌ڕێز ڕامنی "پێشبینی نه‌کراو، خورتتر و به‌ره‌نگاری زیاتره‌."

له‌ به‌یژینگی پایته‌ختی چین، پیاوێک به‌ ئێمه‌ی گوت ئه‌و نیگه‌رانی هێندێک له‌ ڕیبازه‌کانی ئۆباما به‌رامبه‌ر به‌ تایوان و هه‌ریمه‌کانی جێگای ده‌مه‌ته‌قه‌ی چین له‌ گه‌ل دراوسێکانێتی. و له‌ نایرۆبی، پیاوێک ته‌نیا سه‌باره‌ت به‌ خۆشحاڵی خۆی دوا.

"له‌ به‌ر ئه‌وه‌ی بابی له‌ بنه‌چه‌ و له‌ ڕووی بایۆلۆجییه‌وه‌ کێنیایی بوو، ئێمه‌ وه‌ک خه‌ڵکی کینیا گه‌لێک پێ خۆشحاڵین. بۆیه‌ ئێمه‌ گه‌لێک خۆشحاڵین. هه‌موو شه‌وی ئێمه‌ چاو لێده‌که‌ین چی له‌ ئه‌وێ ڕووده‌دات، و ئێمه‌ گه‌ڵێک خۆشحاڵین."

شیکاران ده‌ڵین سه‌رۆک ئۆباما ڕه‌نگ بێت له‌ توانای دابێت سه‌باره‌ت به‌ هێندیک بابه‌تی بیانی هه‌ڵوێستی به‌هێزانه‌ تری هه‌بێت. ئه‌و بیانیانه‌ی چاویان له‌ هه‌ڵبژاردنی ئه‌مه‌ریکا ده‌کرد هیواداربوون که‌ داخوا وه‌ک یه‌ک یان جیاواز، رێبازه‌کانی دووهه‌م خۆلی سه‌رۆک بۆ ئه‌وان باش بێت.
XS
SM
MD
LG