Accessibility links

حکومه‌تی به‌ریتانیا ڕێگه‌ به‌ وتووێژ له‌گه‌ڵ چه‌کدارانی ئۆپـۆزسیۆنی سوریا ده‌دات

  • VOA News

به‌ریتانیا ده‌ڵێت ده‌ستده‌کات به‌ سـازدانی وتووێژ له‌گه‌ڵ کۆمه‌ڵه‌ چه‌کداره‌کانی ئۆپـۆزسیۆنی سوریا، ئه‌مه‌ش وه‌ک هه‌وڵێـک بۆ دۆزینه‌وه‌ی ڕێگه‌ چاره‌یه‌کی سیاسی بۆ قه‌یرانی ناو ئه‌و وڵاته‌.
نووسینگه‌ی سه‌رۆک وه‌زیری به‌ریتانیا ده‌یڤد کامیرۆن له‌ به‌یانـنامه‌یه‌کدا ڕایگه‌یاند که‌ ڕێگه‌ی به‌سـتنی په‌یوه‌ندی ڕاسته‌وخۆ به‌ حکومه‌تی به‌ریتانیا دراوه‌ بۆ وتووێژکردن له‌گه‌ڵ نوێنه‌رانی سه‌رهه‌ڵـداوانی ئۆپـۆزسیۆندا، به‌ڵام به‌ریتانیا هیچ جۆره‌ یارمه‌تیـیه‌کی له‌شـکریـیان نادات.
له‌ لایه‌کی دیکه‌وه‌ له‌و ده‌مه‌ی ده‌یڤد کامیرۆن سه‌ردانی که‌مپـی ئاواره‌ سوریـیه‌کانی له‌ ئوردن ده‌کرد، پـێرۆزبایی سه‌رکه‌وتنی له‌ سه‌رۆک ئۆباما کرد و گوتی مه‌سه‌له‌ی سوریا له‌ سه‌رووی ئه‌رکه‌ هاوبه‌شه‌کانیانه‌وه‌ ده‌مێنێته‌وه‌.
XS
SM
MD
LG