Accessibility links

فڕۆکه‌ جه‌نگیـیه‌کانی تورکیا بناری قه‌ندیل بۆردومان ده‌که‌ن و 2 که‌س ده‌کوژن

  • VOA News

به‌ره‌به‌یانی ئه‌مڕۆ چوارشه‌ممه‌ فڕۆکه‌ جه‌نگیـیه‌کانی تورکیا چه‌ند گوندێـکی بناری قه‌ندیلیان له‌ هه‌رێمی کوردسـتانی عێراق بۆردومان کردووه‌ و له‌ ئاکامدا 2 که‌سی سیڤیل کوژراون و 2 ی دیکه‌ برینداربوون.
به‌پـێی سه‌رچاوه‌کانی هه‌واڵ بۆرده‌ومانه‌کان نزیکه‌ی کاژمێرێـکی خایاندووه‌ و گونده‌کانی مارادۆ و زه‌رگه‌ڵێ و ئه‌نزێ و قه‌ڵاتوکانی گرتووه‌ته‌وه‌.
برینداره‌کان گه‌یه‌نراونه‌ته‌ نه‌خۆشـخانه‌ی قه‌ڵادزێ. هێمن پـێرۆت به‌ڕێوه‌به‌ری نه‌خۆشـخانه‌که‌ به‌ ده‌زگاکانی ڕاگه‌یاندنی گوت که‌ سه‌ره‌تا سێ بریندار و کوژراوێـک گه‌یه‌نراونه‌ته‌ نه‌خۆشـخانه‌که‌ی، به‌ڵام پاشـان یه‌ک له‌ برینداره‌کان به‌هۆی سه‌ختی برینه‌کانیـیه‌وه‌، گیانی له‌ده‌سـتداوه‌.
هه‌روه‌ها بۆردومانه‌کان زیانی ماڵیشی به‌ گوندنشینانی ناوچه‌که‌ گه‌یاندووه‌.
XS
SM
MD
LG