Accessibility links

ئیسرائیل ده‌ڵێت به‌هۆی گولـله‌یه‌کی سوریاوه‌ ئاگر له‌ ناوچه‌یه‌کی به‌رزایـیه‌کانی جۆلان که‌وتووه‌ته‌وه‌

  • VOA News

له‌شـکری ئیسرائیل ده‌ڵێت گولـله‌یه‌ک که‌ له‌ شه‌ڕی ناو سوریاوه‌ هاتووه‌، به‌ر ناوچه‌یه‌کی مین چێنراو که‌وتووه‌ له‌ به‌رزایـیه‌کانی جۆلان و ئاگری لێ به‌رداوه‌.
یۆرام لیڤی گوته‌بێژی له‌شـکری ئیسرائیل گوتی ڕووداوه‌که‌ ئه‌مڕۆ سێشه‌ممه‌ بووه‌ و کارمه‌ندانی ئاگرکوژینه‌وه‌ به‌ په‌له‌ گه‌یشـتوونه‌ته‌ ناوچه‌که‌ و ئاگره‌که‌یان کوژانووه‌ته‌وه‌.
شایه‌نی باسه‌ له‌وه‌تای شه‌ڕی سـاڵی 1967 ی نێوان عه‌ره‌ب و ئیسرائیل ئه‌و به‌رزایـیانه‌ی جۆلانی سوریا که‌وتوونه‌ته‌ ژێر ده‌سـتی ئیسرائیل. هه‌ندێـک ناوچه‌ی هێشـتا به‌ مین چێنراون.
له‌وه‌تای ڕێـکه‌وتنی ئاگربه‌سـتی 1974 وه‌ سـنووری نێوان ئه‌و دوو وڵاته‌ ئارام بووه‌، به‌ڵام ئێسـتا ئیسرائیل مه‌ترسی هه‌یه‌ له‌وه‌ی ئاگری شه‌ڕی ناو سوریا بگاته‌ ناوچه‌کانی.
XS
SM
MD
LG