Accessibility links

پـێنج بۆمب له‌ پایته‌ختی به‌حره‌ین ده‌ته‌قێنه‌وه‌ و 2 که‌س ده‌کوژرێن

  • VOA News

کاربه‌ده‌سـتانی به‌حره‌ین ده‌ڵێن ئه‌مڕۆ دووشه‌ممه‌ 5 بۆمب له‌ مه‌نامه‌ی پایته‌خت ته‌قیونه‌ته‌وه‌ و له‌ ئاکامدا 2 که‌س کوژراون و که‌سێـکیش برینداربووه‌.
ته‌قینه‌وه‌کان له‌ نێوان کاژمێر 4:30 ی به‌ره‌به‌یان بۆ 9:30 ی به‌یانی ڕوویانداوه‌ له‌ ناوچه‌کانی ئه‌لقزێبه‌ و ئه‌لعه‌دلیـیه‌. یه‌ک له‌ بۆمبه‌کان له‌ نزیک سینه‌مایه‌کدا ته‌قیوه‌ته‌وه‌.
کاربه‌ده‌سـتان ده‌ڵێن هه‌ردوو کوژراو و برینداره‌که‌ کرێـکاری ئاسیایی بوون. ده‌شڵێن بۆمبه‌کان ده‌سـتکردی خۆماڵی بوون.
شایه‌نی باسه‌ له‌وه‌تای له‌ سـاڵی ڕابردووه‌وه‌ به‌هاری عه‌ره‌بی ژماره‌یه‌ک وڵاتانی عه‌ره‌بی گرته‌وه‌، به‌حره‌ینیش شیعه‌ ئاینزاکان که‌ زۆرینه‌ن له‌و وڵاته‌ حوکمڕانیـیه‌ سووننه‌دا، ده‌سـتیان به‌ خۆپـیشـاندان و ناڕه‌زایی کردووه‌ و ژماره‌یه‌کیان ده‌سـتگیرکراون و به‌پـێی چالاکوانان و کۆمه‌ڵه‌کانی مافی مرۆڤ نزیکه‌ی 50 هاوڵاتی سیڤیل له‌ پـێـکداداندا له‌گه‌ڵ هێزه‌کانی پـۆلیسدا کوژراون. به‌حره‌ین ده‌ڵێت ئێران له‌ پشت ئه‌و نائارامیـیانه‌ی ناو وڵاته‌که‌ین.
XS
SM
MD
LG