Accessibility links

به‌ مه‌به‌سـتی یه‌کخستنی ڕیزه‌کانیان ئۆپـۆزسیۆنی سوریا له‌ دۆحه‌ کۆده‌بێته‌وه‌

  • VOA News

لایه‌نه‌ جیاوازاکانی ئۆپـۆزسیۆنی سوریا ئه‌مڕۆ یه‌کشه‌ممه‌ له‌ دۆحه‌ی پایته‌ختی قه‌ته‌ر ده‌سـتیان کرد به‌ کۆبوونه‌وه‌کانیان، ئه‌وه‌ش به‌ مه‌به‌سـتی پـێـکهێنانی به‌ره‌یه‌کی یه‌کگرتوو تاوه‌کو کۆمه‌ڵی نێوده‌وڵه‌تی زیاتر دانیان پـیادابنێت و هه‌لی زیاتریان هه‌بێت بۆ ڕووخاندنی ڕژێمی به‌شـار ئه‌سه‌د.
له‌ یه‌که‌م ڕۆژی کۆبوونه‌وه‌کاندا سه‌نگی خرایه‌ سه‌ر مه‌سه‌له‌ی پـێـکهێنانی حکومه‌ت له‌ ده‌ره‌وه‌ی وڵات.
عه‌بدول باست سه‌یدا سه‌رۆکی ئه‌نجومه‌نه‌که‌ گوتوویه‌تی ئه‌و پـێشبینی ده‌کات ئه‌نجومه‌نه‌که‌ له‌ 200 ئه‌ندامه‌وه‌ بۆ 400 زیادبکرێت.
ڕیاز سه‌یف که‌سایه‌تی ناوداری ئۆپـۆزسیۆن پـێشنیاری پـێـکهێنانی ده‌سته‌یه‌کی سه‌رکردایه‌تی گشتگیر ده‌کات که‌ تیایدا له‌ پاڵ ئه‌نجومه‌نه‌که‌ نوێنه‌رانی ئه‌نجومه‌نه‌ خۆجێـی و له‌شـکریـیه‌کان هه‌بن.
دیپـلۆماتێـکی ڕۆژئاوایی گوتوویه‌تی ئه‌م پـێشنیاره‌ی ڕیاز سه‌یف له‌ لایه‌ن ئه‌مه‌ریکا و فه‌ڕه‌نسا و بریتانیا و ژماره‌یه‌ک وڵاتانی عه‌ره‌ب و تورکیاوه‌ پـشـتیوانی لێـده‌کرێت. هه‌فته‌ی ڕابردوو ئه‌مه‌ریکا داوای چاکسـازی له‌ ئۆپـۆزسۆنی سوریا کرد و گوتی کاتی ئه‌وه‌ هاتووه‌ ئه‌وانه‌ش بێنه‌ پـێشه‌وه‌ که‌ له‌ به‌ره‌کانی پـێشه‌وه‌ شه‌ڕ ده‌که‌ن و ده‌کوژرێن.
XS
SM
MD
LG