Accessibility links

قوربانیانی زریانی ساندی دووچاری سه‌رما ده‌بن

  • VOA News

پاش ئه‌وه‌ی هه‌فته‌ی ڕابردوو زریانی ساندی له‌ ناوچه‌کانی ڕۆژهه‌ڵاتی ئه‌مه‌ریکای دا، ئێسـتا به‌شێـکی خه‌ڵـکی ئه‌و ناوچانه‌ دووچاری سه‌رما بوون به‌هۆی دابه‌زینی پله‌کانی گه‌رما و بڕانی ته‌زووی کاره‌با و هه‌روه‌ها که‌می سووته‌مه‌نی.
زریانه‌که‌ که‌ بووه‌ مایه‌ی گیان له‌ ده‌سـتدانی زیاتر له‌ 100 که‌س و زیانێـکی ماڵی به‌ به‌های نزیکه‌ی 50 ملیار دۆلار، ئێسـتا زیاتر له‌ 2 ملیۆن که‌سی له‌ ڕۆژهه‌ڵاتی ئه‌مه‌ریکای به‌بێ وزه‌ی کاره‌با هێشـتووه‌ته‌وه‌.
مایکڵ بلومبێرگ سه‌رۆکی شـاره‌وانی نیویۆرک داوای له‌و خه‌ڵکه‌که‌ کردووه‌، ئه‌وانه‌ی کاره‌بایان نیـیه‌ و به‌ تایبه‌تی به‌ ته‌مه‌نه‌کان، به‌ره‌و په‌ناگه‌کان بڕۆن که‌ حکومه‌ت و ڕێـکخراوه‌ خێرخوازه‌کان بۆیان دابینکردوون.
هه‌رچه‌نده‌ کۆمپانیاکانی کاره‌با توانیویانه‌ وزه‌ی کاره‌با بۆ مانهاتنی خوارووی نیویۆرک بگێڕنه‌وه‌، به‌ڵام هێشـتا چه‌ندین ناوچه‌ی نیویۆرک به‌ بێ کاره‌با ماونه‌ته‌وه‌، له‌وانه‌ دورگه‌ی ستاتن و ناوچه‌ی کوینز که‌ ژماره‌یه‌کی زۆری دانیشـتوانیان لێـیه‌.
XS
SM
MD
LG