Accessibility links

به‌هۆی ته‌قینه‌وه‌ی تانکه‌رێـکی گازی سـرووشتی له‌ سعودیه‌ 23 که‌س ده‌کوژرێن

  • VOA News

ئه‌مڕۆ پـێـنجشه‌ممه‌ له‌ ڕیازی پایته‌ختی عه‌ره‌بسـتانی سـعودی تانکه‌رێـکی گازی سـرووشتی خۆی کێشــاوه‌ به‌ پـردێـک و له‌ ئاکامدا ته‌قیوه‌ته‌وه‌ و بووه‌ته‌ مایه‌ی کوژرانی 23 که‌س و برینداربوونی 112 که‌سی دیکه‌.
ڕووداوه‌که‌ کاژمێر 7 ی به‌یانی بووه‌، له‌ یه‌کێـک له‌ شه‌قامه‌ هه‌ره‌ قه‌ره‌باڵغه‌کانی پایته‌ختی سعودیه‌. ته‌قینه‌وه‌ هه‌روه‌ها بووه‌ته‌ مایه‌ی ڕووخاندنی بینایه‌ک و تێـکشـکان و سووتاندنی ژماره‌یه‌ک ئۆتۆمبیل.
هه‌رچه‌نده‌ ته‌قینه‌وه‌که‌‌ له‌ نزیک باره‌گای پاسه‌وانی نیشـتیمانی و زانکۆی میر نایف بۆ زانسـته‌ ئاسایشیـیه‌کان بووه‌، کاربه‌ده‌سـتان ده‌ڵێن ڕووداوێـکی ئاسایی بووه‌ وله‌ ئه‌‌نجامی هه‌ڵه‌ی شـۆفێری تانکه‌ره‌که‌وه‌ بووه‌ .
XS
SM
MD
LG