Accessibility links

هێله‌ری کلنتن له‌ ئه‌لبانیا


هێله‌ری کلنتن له‌ په‌رله‌مانی ئه‌لبانیا
هێله‌ری کلنتن له‌ په‌رله‌مانی ئه‌لبانیا
هێله‌ری کلنتۆن، وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مریکا داوای له‌ لایه‌نه‌ سیاسیه‌کانی ئه‌لبانیا کردووه‌ تا پێکه‌وه‌ کار بکه‌ن بۆ ڕیفۆرمی دیموکراسی و دڵنیا بوون له‌وه‌ی له‌ ساڵی داهاتوودا هه‌ڵبژاردنێکی ڕه‌وا و ئازاد بکرێت.

ئه‌م داوایانه‌ی وه‌زیری ده‌ره‌وه‌ی ئه‌مریکا له‌ ده‌می سه‌ردانه‌که‌یدا بوو بۆ ئه‌لبانیا که‌ هاوکاته‌ له‌گه‌ڵ سه‌ده‌مین ساڵیادی سه‌ربه‌خۆیی وڵاته‌که‌.

له‌ میانه‌ی وتاره‌که‌یدا له‌ په‌رله‌مان له‌ تیرانا ی پایته‌خت خانم کلنتن گوتی ده‌بێت ئه‌لبانیا به‌رده‌وام بێت له‌سه‌ر کارکردن بۆ به‌هێزکردنی دیموکراسی ، بونیاتنانی ئابوری و هه‌روه‌هاش کارکردن بۆ هێنانه‌ ئارای ئاینده‌یه‌ک به‌ شێوه‌یه‌ک که‌ یه‌کسان بێت به‌رامبه‌ر خواستی گه‌لی ئه‌لبانیا.

هه‌ر له‌و لێدوانه‌یدا وه‌زیری ده‌ره‌وه‌ی ئه‌مریکا هاوسۆزی زۆری ئه‌مریکای ده‌ربڕی بۆ ئه‌لبانیا وه‌ک هاوپه‌یمانی ناتۆ و هه‌روه‌هاش پشتیوانی ئه‌مریکای ده‌ربڕی بۆ ئه‌ندامێتی ئه‌لبانیا له‌ یه‌کێتی ئه‌وروپادا.

خانم کلنتن له‌ کرواتیاوه‌ چووه‌ ئه‌لبانیا و له‌گه‌ڵ سه‌رۆکی ئه‌لبانیاشدا کۆبۆته‌وه‌.
له‌و کۆبوونه‌وه‌یه‌دا وتووێژ له‌سه‌ر په‌یوه‌ندی دوولایه‌نه‌ کراوه‌ و هه‌روه‌هاش له‌سه‌ر ڕۆڵی ئه‌لبانیا له‌ ناوچه‌که‌دا.
XS
SM
MD
LG