Accessibility links

ئێران مانۆری له‌شـکری له‌ نزیک سـنووری عێراق ئه‌نجام ده‌دات

  • VOA News

هێزه‌کانی له‌شـکری ئێران ده‌سـتیانکردووه‌ به‌ مانۆرێـکی له‌شـکری که‌ دوو ڕۆژ ده‌خایه‌نێت، ئه‌مه‌ش به‌ مه‌به‌سـتی وه‌ک ده‌ڵێن تاقیکردنه‌وه‌ی توانا و ئاماده‌یـیان بۆ شیانی هه‌ر هێرشێـک بکرێته‌ سه‌ریان.
ته‌له‌فزیۆنی فه‌رمی ئێران ده‌ڵێت هێزه‌کان له‌ هه‌رێمێـکی به‌رفراوانی خۆرئاوای ئێران له‌ نزیک سـنووری عێراقه‌وه‌ ئه‌و مانۆره‌ ئه‌نجام ده‌ده‌ن. که‌ناڵه‌که‌ دیمه‌نی هێزه‌کانی نیشـان ده‌دات که‌ چۆن به‌ په‌ره‌شووت ده‌هاتنه‌ خوارێ به‌سه‌ر ناوچه‌کانی نزیک له‌ شـاره‌کانی سه‌رپـولی زه‌هاب و قه‌سری شیرین که‌ ده‌که‌ونه‌ 700 کیلۆمه‌تر له‌ خۆرئاوای تارانه‌وه‌.
ئه‌م مانۆره‌‌ له‌ کاتێـکدا به‌ڕێوه‌ده‌چت که‌ گرژی و ئاڵۆزی له‌ نێوان ئێران و خۆرئاوا زیادیکردووه‌ له‌ ئاکامی چاره‌سه‌رنه‌کردنی ناکۆکیـیه‌کانی هه‌ن له‌سه‌ر به‌رنامه‌ ناوکیـیه‌که‌ی ئێران.
ئیسرائیل ئاماژه‌ی کردووه‌ به‌وه‌ی ڕه‌نگه‌ کرده‌یه‌کی له‌شـکری تاک‌ لایه‌نه‌ له‌ دژی ئێران ئه‌نجام بدات ئه‌گه‌ر بێت و وتووێژه‌کان بۆ ڕاگرتنی به‌رنامه‌ ناوکیـیه‌ شـکسـتیان هێنا.
ئیسرائیل و وڵاتانی ڕۆژئاوا گومانیان هه‌یه‌ ئێران هه‌وڵی دروسـتکردنی چه‌کی ناوکی بدات. ئێرانیش نکوڵی ده‌کات و ده‌ڵێت به‌رنامه‌ ناوکیـیه‌که‌ی بۆ کاری سیڤلیـیه‌.
XS
SM
MD
LG