Accessibility links

هه‌ردوو وه‌زیری ده‌ره‌وه‌ی بریتانیا و ئیمارات و وه‌زیر ناوخۆی پاکسـتان سه‌ردانی مه‌لاله‌ ده‌که‌ن

  • VOA News

ئه‌مڕۆ دووشه‌ممه‌ هه‌ر یه‌ک له‌ ولیه‌م هه‌یگ وه‌زیری ده‌ره‌وه‌ی بریتانیا و شێخ عه‌بدوڵڵا بن زاید وه‌زیری ده‌ره‌وه‌ی ئیمارات و ڕه‌حمان مالیک وه‌زیری ناوخۆی پاکسـتان سه‌ردانی مه‌لاله‌ یوسف‌زائی‌یان کرد له‌ نه‌خۆشـخانه‌ی شا‌ ئێلیزابێث له‌ بیرمینگهامی بریتانیا.
مه‌لاله‌ کچه‌ خوێندکاری پاکسـتانی ته‌مه‌ن 14 سـاڵ له‌ 9 ی ئه‌م مانگه‌ له‌ ناوچه‌ی دۆڵی سواتی باکوری ڕۆژئاوای پاکسـتان به‌ ده‌سـتی چه‌کدارانی تاڵیبان به‌ سه‌ختی بریندارکرا و له‌ 15 ی ئه‌م مانگه‌ ڕه‌وانه‌ی نه‌خۆشـخانه‌ی شا ئێلیزابێث کرا بۆ چاره‌سه‌رکردنی برینه‌کانی له‌ سه‌ری و ملیدا. ئێسـتا مه‌لاله‌ ده‌توانێت قسه‌ بکات و هه‌روه‌ها به‌ پـێی خۆی بڕوات، به‌ڵام به‌ یارمه‌تیدانی.
وه‌زاره‌تی ده‌ره‌وه‌ی بریتانیا ده‌ڵێت ئه‌و وه‌زیرانه‌ چاویان به‌ به‌ڕێوه‌به‌ری نه‌خۆشـخانه‌که‌ که‌وتووه‌ له‌گه‌ڵ باوک و دایکی مه‌لاله‌ و دوو برای. ده‌ڵێن مه‌لاله‌ پاش ئه‌وه‌ی چاکبـبێته‌وه‌ به‌ره‌و وڵاته‌که‌ی ده‌گه‌ڕێته‌وه‌.
XS
SM
MD
LG