Accessibility links

ئێران ده‌ڵێت فڕۆکه‌ی بێ فڕۆکه‌وانی پـێشـکه‌وتووی هه‌یه‌


وه‌زیری به‌رگری ئێران ده‌ڵێت وڵاته‌که‌ی فڕۆکه‌ی بێ فڕۆکه‌وانی هه‌یه‌ زۆر له‌وه‌ پـێشـکه‌وتووتره‌ که‌ حزبوڵڵای لوبنان له‌ سه‌ره‌تای ئه‌م مانگه‌دا ڕه‌وانه‌ی سه‌ر ئاسـمانی ئیسرائیلی کرد.
ده‌زگاکانی ڕاگه‌یاندنی ئێران ده‌ڵێن ئه‌مڕۆ یه‌کشه‌ممه‌ ئه‌حمه‌د وه‌حیدی وه‌زیری به‌رگری گوتوویه‌تی ئێسـتا کۆماری ئیسلامی فڕۆکه‌ی بێ فڕۆکه‌وانی هه‌یه‌ به‌‌ ته‌کنه‌لۆجیایه‌کی زۆر پـێشـکه‌وتووتر له‌و فڕۆکه‌یه‌ی حزبوڵڵا له‌م دوایـیه‌دا بۆ سه‌ر ئاسمانی ئیسرائیلی نارد.
له‌ مانگی چوار ئێران ڕایگه‌یاند که‌وا ده‌سـتیکردووه‌ به‌ دروسـتکردنی فڕۆکه‌یه‌کی بێ فڕۆکه‌وان دیده‌وانی ئه‌مه‌ریکا له‌ جۆره‌ی RQ-170 ، ئه‌وه‌ی سـاڵی ڕابردوو به‌ هۆی کێشه‌یه‌کی ته‌کنیکی دانه‌یه‌کی له‌ نزیک سـنووری ئه‌فغانسـتانه‌وه‌ که‌وته‌ خوارێ.
هیچ سه‌رچاوه‌یه‌کی سه‌ربه‌خۆی هه‌واڵ نیـیه‌ ئه‌م قسه‌یه‌ی ئێران پشـتڕاست بکاته‌وه‌.
XS
SM
MD
LG