Accessibility links

گولـله‌ به‌رگریـیه‌کی ئاسـمانی سوریا به‌ر سه‌نته‌رێـکی ته‌ندروسـتی تورکیا ده‌که‌وێت

  • VOA News

ئه‌مڕۆ سێشه‌ممه‌ گولـله‌ به‌رگریـیه‌کی ئاسـمانی، له‌وانه‌ی ده‌ته‌قێنه‌وه‌ له‌ دیوی سوریاوه‌ هاتووه‌ و به‌ر سه‌نته‌رێـکی ته‌ندروسـتی له‌ ناوچه‌ی ڕیحانلی پارێزگای هاتای تورکیا که‌وتووه‌.
که‌ناڵی CNN Turk ده‌ڵێت ڕووداوه‌که‌ کاتژمێر 8 به‌ کاتی جیهانی بووه‌ له‌ ناوچه‌یه‌ک که‌ 200 مه‌تر له‌ سـنووری سوریاوه‌ دوره‌. ده‌شڵێت هیچ زیانی گیانی لێ‌نه‌که‌وتووه‌ته‌وه‌ و ته‌نها په‌نجه‌ره‌ی سه‌نته‌ره‌که‌ی شـکاندووه‌.
تورکیا بڕیاری داوه‌ وه‌ڵامی هه‌ر هێرشێـک بداته‌وه‌ که‌ له‌ دیوی سوریاوه‌ بکرێته‌سه‌ری.
ڕۆژنامه‌ی میلـلیه‌تی تورکی ڕۆژی شه‌ممه‌ بڵاویکرده‌وه‌ له‌شـکری تورکیا له‌ به‌رامبه‌ر ئه‌و گولـله‌ تۆپ و خومپارانه‌ی له‌ سوریاوه‌ به‌ر وڵاته‌که‌یان که‌وتووه‌، 87 جار تۆپـبارانی سوریای کردووه‌ و له‌ ئاکامدا 12 سه‌بازی سوریا کوژراون و چه‌ند تانکێـک تێـکشـکاون.
XS
SM
MD
LG