Accessibility links

ڕاپـرسیـیه‌ نوێـیه‌کان ده‌ڵێن سه‌رۆک ئۆباما و میت ڕامنی له‌ تواناکانیاندا یه‌کسانن

  • VOA News

ڕاپرسیـیه‌کی نوێ له‌ وڵاته ‌یه‌کگرتووه‌کانی ئه‌مه‌ریکا ئاماژه‌ی ئه‌وه‌ ده‌دات که‌ سه‌رۆک براک ئۆباما و هه‌روه‌ها میت رۆمنی کاندیدی پارتی کۆماریه‌کان بۆ سه‌رۆکایه‌تی یه‌کسانن له‌ ڕووی هه‌ڵسه‌نگاندی توانایان به‌ر له‌ دوایـین ڕووبه‌ڕووبوونه‌وه ‌و مشتومڕی سه‌رۆکایه‌تیان که‌ ئه‌م شه‌و دووشه‌مه‌ ئه‌نجامی ده‌ده‌ن.
راپرسیـیه‌کانی MBC news و واڵستریت جورناڵ ئه‌وه‌ پـیشان ده‌ده‌ن که‌ پشتیوانی بۆ هه‌ردوو کاندیدی سه‌رۆکایه‌تی یه‌کسانن و هه‌ریه‌که‌یان ده‌نگی پشتیوانی له‌ سه‌دا 47 ی هه‌یه‌.
ڕووبه‌ڕوبوونه‌وه‌که‌ی ئه‌م شه‌وی سه‌رۆکایه‌تی ئه‌وه‌ی له‌ ستانی فلۆریدا سازده‌کرێت به ‌ته‌واوی سه‌نگ ده‌خاته‌ سه‌ر مه‌سه‌له‌کانی سیاسه‌تی ده‌ره‌وه‌ی وڵاته ‌یه‌کگرتووه‌کانی ئه‌مه‌ریکا و مشتومڕی سه‌رۆکایه‌تی له‌ لایه‌ن Bob Schieffer که‌ناڵی ته‌له‌فزیۆنی CBS وه‌ به‌ڕێوه‌ده‌برێت.
شایانی باسه‌ ، میت رۆمنی به‌ربژاری کۆماریـیه‌کان بۆ سه‌رۆکایه‌تی و دۆستانی له‌ کۆماریـیه‌کان به‌ده‌وام هێرشی زاره‌کیـیان کردووه‌ته‌ سه‌ر براک ئۆباما ، له‌ باره‌ی شێوازی مامه‌ڵه‌کردن له‌ مه‌سه‌له‌ی هێرشه‌ کوشنده‌که‌ی مانگی رابردووی ئه‌وه‌ی کرایه‌ سه‌ر کونسوڵخانه‌ی ئه‌مه‌ریکا له‌ شـاری به‌نغازی لیبیا.
هه‌روه‌ها پرۆگرامی ناوکی ئێران مه‌سه‌له‌یه‌کی دیکه‌ی ناکۆکی نێوان سه‌رۆک ئۆبا و میت رۆمنیـیه‌. رۆمنی ده‌ڵێت به‌ڕێوه‌به‌رایه‌تی ئۆباما به‌ ئه‌ندازه‌ی پێویست به‌رامبه‌ر ئێران توند نه‌بووه‌ و هه‌روه‌ها به‌ هێنده‌ی پێویستیش هاوکاری ئیسرائیلی نه‌کردووه‌.
XS
SM
MD
LG