Accessibility links

کۆمیته‌ی پاراسـتنی ڕۆژنامه‌وانان: تورکیا زیاتر له‌ ئێران و چین ڕۆژنامه‌وانی ده‌سـتگیرکردووه‌

  • VOA News

کۆمیته‌ی پاراسـتنی ڕۆژنامه‌وانان CPJ ده‌ڵێت حکومه‌تی سه‌رۆک وه‌زیر ڕه‌جه‌ب ته‌یب ئه‌ردۆگان له‌ ماوه‌ی چه‌ند سـاڵی ڕابردوو یه‌کێـک له‌ گه‌وره‌ترین هه‌ڵمه‌ته‌کانی سه‌رکوتکردنی ئازادی ڕۆژنامه‌گه‌ری ئه‌نجامداوه‌، وه‌ ڕۆژنامه‌وانانی زیاتر له‌ ئێران و چین و ئه‌ریتریا ده‌سـتگیرکردووه‌.
ئه‌م کۆمیته‌یه‌ که‌ بنکه‌که‌ی له‌ نیویۆرکه‌، ڕاپـۆرتێـکی 50 لاپه‌ڕه‌یی له‌و باره‌یه‌وه‌ ده‌رکردووه‌ و تیایدا هاتووه‌ سێ به‌شی ئه‌و ڕۆژنامه‌وانانه‌ی ده‌سـتگیرکراون ئه‌وانه‌ن که‌ ڕووماڵی ڕووداوه‌کانی ناوچه‌ کوردیـیه‌کانی تورکیا ده‌که‌ن.
ده‌شڵێت 70 له‌ سه‌دی ڕۆژنامه‌وانانی ده‌سـتگیرکراون کوردن و تاوانبارکراون به‌وه‌ی یارمه‌تی تێرۆر ده‌ده‌ن له‌ ڕێـگه‌ی ڕووماڵکردنی چالاکیـیه‌کانی پارتی کرێکارانی کوردسـتان.
کۆمیته‌که‌ ده‌شڵێت حکومه‌تی تورکیا هیچ به‌هایه‌ک بۆ ڕۆژنامه‌وانان دانانێت و گوشاریان ده‌خاته‌سه‌ر و به‌ هه‌زاران سکاڵای یاسایـیان له‌سه‌ر تۆمارده‌کات و تاوانباریان ده‌کات به‌ سووکایه‌تیکردن به‌ نه‌ته‌وه‌ی تورک.
XS
SM
MD
LG