Accessibility links

ئوردن ده‌ڵێت 11 گومانباری سه‌ر به‌ ئه‌لقاعیده‌ی ده‌سـتگیرکردووه‌

  • VOA News

ده‌زگاکانی ڕاگه‌یاندنی شـانشینی ئوردن ده‌ڵێن ده‌زگای زانیاری وڵاته‌که‌یان توانیویه‌تی پـیلانێـکی تێرۆرسـتی پـوچه‌ڵبکاته‌وه‌ که‌ تیایدا ئاسایشی نیشـتیمانی وڵاته‌که‌ کرابووه‌ ئامانج. ده‌شڵێن پـیلانه‌که‌ له‌ لایه‌ن کۆمه‌ڵێـکی تێرۆرسـتـیه‌وه‌ نه‌خشه‌ی بۆ دانرابوو که‌ بیر و ڕێبازیان په‌یوه‌ندی به‌ ڕێـکخراوی ئه‌لقاعیده‌وه‌ هه‌یه‌.
ئاژانسی ده‌نگ و باسی په‌ترای ده‌وڵه‌تی ئوردن ده‌ڵێت کۆمه‌ڵه‌که‌ بریتیـیه‌ له‌ 11 که‌س و پـیلانه‌که‌یان ناونابوو " کرده‌وه‌ی دووه‌می 9 ی یازده"‌، واته‌ ئه‌وه‌ی یه‌که‌م مه‌به‌سـتیان ئه‌و هێرشانه‌بوو‌ که‌ له‌ 9 ی مانگی یازده‌ی 2005 کرانه‌ سه‌ر سێ ئوتێلی عه‌مانی پایته‌خت و بوونه‌ مایه‌ی کوژرانی‌ 57 که‌س و برینداربوونی 115 که‌سی دیکه‌ .
ئاژانسه‌که‌ ئاماژه‌ی به‌وه‌ش کرد کۆمه‌ڵه‌که‌ له‌ مانگی شه‌شی ئه‌مسـاڵه‌وه‌ ده‌سـتیان کردووه‌ بۆ دانانی پـیلانه‌کانیان. ده‌شڵێت به‌ نیازبوون به‌ ئۆتۆمبیلی بۆمبڕێژکراو و خومپاره‌ و چه‌کی دیکه‌ هێرش بکه‌نه‌ سه‌ر چه‌ند بازاڕێـک و چه‌ند شوێنێـکی هه‌ستیار و هه‌روه‌ها سه‌ر دیـپـلۆماتان و که‌سانی بیانی له‌ وڵاته‌که‌دا.
XS
SM
MD
LG