Accessibility links

ڕێـکخراوی HRW ده‌ڵێت هێزه‌کانی دژی قه‌زافی تاوانی جه‌نگیان ئه‌نجام داوه‌

  • VOA News

ڕێـکخراوی چاودێری مافه‌کانی مرۆڤ HRW ده‌ڵێت به‌ڵـگه‌ی نوێی هه‌یه‌ که‌ نیشـانی ده‌دات هێزه‌کانی ئۆپـۆزسیۆنی کاتی خۆی له‌ لیبیا له‌ پاش کوژرانی موعه‌ممه‌ر قه‌زافیش به‌ ده‌یان دیلیان ئازارداوه‌ و پاشـان کوشـتوویانن.
له‌ ڕاپـۆرتێـکی ڕێـکخراوه‌که‌ که‌ ئه‌مڕۆ چوارشه‌ممه‌ بڵاوکرایه‌وه‌، هاتووه‌ میلیشـیاکانی ئۆپـۆزسیۆن کاتی خۆی ئه‌و که‌سانه‌یان ده‌سـتگیرکردووه‌ که‌ له‌ نێو کاروانه‌که‌ی قه‌زافیدا بوون و پاشـان به‌ شێوه‌یه‌کی دڕندانه‌ له‌ نێو ئوتێلێـکدا لێـیان داون و 66 که‌سیان لێ کوشتوون.
پـیته‌ر پـۆکه‌رت له‌ ڕێـکخراوی HRW به‌ ده‌نگی ئه‌مه‌ریکای گوت پـێویسته‌ ئه‌م ڕووداوه‌ به‌ تاوانی جه‌نگ دابنرێت و که‌سانی به‌رپـرس لێی دادگایی‌بکرێن.
پـیته‌ر گوتیشی " ده‌بێت له‌ بیری نه‌که‌ین زیاتر له‌و 66 که‌سه‌ی له‌ کاروانه‌که‌ی قه‌زافیدا هه‌بوون، به‌شێـک بوون له‌و خه‌ڵـکه‌ی له‌ ترسی شه‌ڕه‌کان له‌ شـاری سرت هه‌ڵده‌هاتن. پاشـان ئاشـکرای کرد ڤیدیۆیان لایه‌ که‌ به‌ ده‌سـتی خودی میلیشـیاکانی ئۆپـۆزسیۆنه‌وه‌ گیرابوون، نیشـان ده‌درێت چۆن له‌ دیله‌کان ده‌درێت و قسه‌ی ناشیریـنیان پـێی ده‌گوترێت و تفیان لێـده‌کرێت و دواتر ده‌یانکوژن، بۆیه‌ ئه‌وه‌ تاوانێـکی جه‌نگی زۆر ئاشـکرایه‌ که‌ پـێویسته‌ به‌رپـرسـانی دادگایی‌بکرێن."
XS
SM
MD
LG