Accessibility links

ئێران ناڕه‌زایی له‌ به‌رامبه‌ر سزا نوێـیه‌کانی ئه‌وروپا ده‌رده‌بڕێت

  • VOA News

ئێران ناڕه‌زایی ده‌رده‌بڕێت له‌ به‌رامبه‌ر ئه‌و سـزا نوێـیانه‌ی یه‌کێتی ئه‌وروپا سه‌پاندی به‌سه‌ریدا وه‌ک گوشارێـک له‌ به‌رامبه‌ر به‌رنامه‌ ناوکیـیه‌ی.
گوته‌بێژی وه‌زاره‌تی ده‌ره‌وه‌ی ئێران ڕامین مێهمان‌په‌رست ئه‌مڕۆ سێشه‌ممه‌ گوتی سـزا نوێـیه‌کانی یه‌کێتی ئه‌وروپا ئه‌وانه‌ی به‌سه‌ر ئێرانی سه‌پاندووه‌ به‌ گوته‌ی خۆی نامرۆیی‌یانه‌ن و هیچ کاریگه‌ریـیان به‌سه‌ر کاره‌ ناوکیـیه‌کانی ئێرانه‌وه‌ نابێت.
دوێنێ دووشه‌ممه‌ یه‌کێتی ئه‌وروپا کۆمه‌ڵێـک سـزای نوێی له‌ دژی ئێران ڕاگه‌یاند، له‌وانه‌ قه‌ده‌غه‌کردنی مامه‌ڵه‌ی دارایی له‌گه‌ڵ بانکه‌کانی ئێراندا. به‌ڵام قه‌ده‌غه‌کردنه‌که‌ ئه‌و کاڵا مرۆیی‌یانه‌ ناگرێته‌وه‌ که‌ ڕه‌زامه‌ندیـیان بۆ وه‌ردگیرێت.
هه‌روه‌ها سزاکان هاورده‌کردنی گازی سـرووشتی ئێران قه‌ده‌غه‌ ده‌کات و هه‌نارده‌کردنی گرافیت و ئه‌و کانزایانه‌ی له‌وانه‌یه‌ له‌ دروسـتکردنی چه‌کدا به‌کاربهێنرێن قه‌ده‌غه‌ده‌کات.
XS
SM
MD
LG