Accessibility links

فێلیکس به‌ومگارتنه‌ر له‌ به‌رزی 38.6 کیلۆمه‌تر به‌ سه‌لامه‌تی گه‌یشته‌وه‌ سه‌ر زه‌وی

  • VOA News

که‌شتوانی ئاسمانی نه‌مساوی فێلیـکس به‌ومگارتنه‌ر Felix Baumgartner دوا نیوه‌ڕۆی ئه‌مڕۆ یه‌کشه‌ممه‌ له‌ فڕۆکه‌خانه‌ی ڕۆسوێڵ له‌ ویلایه‌تی نیومه‌کسیکۆی ئه‌مه‌ریکا سه‌رکه‌وتووانه‌ توانی به‌ باڵۆنێـکی پـڕ له‌ گازی هیلیۆم بگاته‌ به‌رزایی 38.6 کیلۆمه‌تر له‌ سه‌روو ته‌ختی زه‌وی و له‌وێوه‌ خۆی هه‌ڵبداته‌‌ خوارێ و به‌ سه‌لامه‌تی بگاته‌وه‌ سه‌ر زه‌وی.
فێلیـکس به‌ومگارتنه‌ر پاش چه‌ند خوله‌ک له‌وه‌ی خۆی هه‌ڵدایه‌ خوارێ له‌ که‌بسوله‌که‌، په‌ڕه‌شووته‌که‌ی کرده‌وه‌ و له‌ ماوه‌ی چه‌ند خوله‌کێـک به‌ سه‌لامه‌تی گه‌یشـته‌وه‌ سه‌ر زه‌وی.
جگه‌ له‌وه‌ی ئه‌و خۆهه‌ڵـدانه‌ی فێلیـکس له‌و به‌رزیـیه‌ بۆخی جێی سه‌رسوڕمانه‌، هه‌روه‌ها دابه‌زینه‌که‌شی جێی سه‌رسوڕمان بوو کاتێـک پـێی خسته‌وه‌ سه‌ر زه‌وی به‌بێ ئه‌وه‌ی بکه‌وێت یان ئه‌ژنۆی بنوشتێته‌وه‌ زۆر به‌ ئاسایی به‌سه‌ر زه‌ویدا ڕۆیشت.
XS
SM
MD
LG