Accessibility links

سه‌رۆکی مۆریتانیا بۆ چاره‌سه‌رکردنی برینه‌کانی به‌ره‌و فه‌ڕه‌نسـا ده‌برێت

  • VOA News

سه‌رۆکی مۆریتانیا محه‌مه‌د ولد عبدولعه‌زیز له‌ ڕێـگه‌ی فڕۆکه‌خانه‌ی نواکشۆتی پایته‌خته‌وه‌ ڕه‌وانه‌ی فه‌ڕه‌نسـا کرا بۆ ته‌واوکردنی چاره‌سه‌ری ئه‌و برینانه‌ی دووچاری بوو له‌ ئاکامی ته‌قه‌کردنێـکدا دوێنێ شه‌ممه‌.
دوێنی حکومه‌تی مۆریتانیا ڕایگه‌یاند که‌وا هێزێـکی گه‌ڕۆکی له‌شـکر به‌ هه‌ڵه‌ ته‌قه‌یان له‌ کاروانی ئۆتۆمبیله‌کانی سه‌رۆک محه‌مه‌د ولد عبدولعه‌زیز کردووه‌ و به‌ سووکی برینداربووه‌. گوتیشی به‌ره‌و نه‌خۆشخانه‌ی له‌شـکری پایته‌خت براوه‌ تاوه‌کو چاره‌سه‌ری بۆ بکرێت.
ئه‌مڕۆش به‌ هاوکاری تیمێـکی پـزیشکی مۆریتانی له‌گه‌ڵ تیمێـکی پـزیشـکی فه‌ڕه‌نسی به‌ره‌و فه‌ڕه‌نسـا برا.
جێی ئاماژه‌یه‌ محه‌مه‌د ولد عبدولعه‌زیز هه‌تا مانگی هه‌شتی سـاڵی 2008 فه‌رمانده‌ی پاسه‌وانانی کۆماری بوو، به‌ڵام له‌ 16 ی مانگی هه‌شتی ئه‌و سـاڵه‌ سه‌رۆکی ئه‌و ده‌مه‌ی مۆریتانیا محه‌مه‌د ولد شێخ عه‌بدوڵڵا له‌ پـۆسـته‌که‌ی لای دا و ئه‌ویش له‌ به‌رامبه‌ردا کۆده‌تایه‌کی سه‌ربازی له‌ دژی ئه‌نجام دا. له‌ مانگی هه‌شتی سـاڵی 2009 له‌ ئه‌نجامی هه‌ڵبژاردنێـکدا بوو به‌ سه‌رۆکی مۆریتانیا.
XS
SM
MD
LG