Accessibility links

پـۆلیسی پاکسـتان ژماره‌یه‌ک که‌س له‌سه‌ر مه‌لاله‌ یوسفزای ده‌سـتگیرده‌کات

  • VOA News

پـۆلیسی پاکسـتان ژماره‌یه‌ک که‌سیان ده‌سـتگیرکردووه‌ که‌ گومانیان لێده‌کرێت ده‌ستیان هه‌بووبێت له‌و ته‌قه‌کردنه‌ی له‌ مه‌لاله‌ یوسفزای کچه‌ خوێندکاری ته‌مه‌ن 14 سـاڵ کرا.
کاربه‌ده‌سـتان ده‌ڵێن ئه‌و که‌سانه‌یان له‌ دۆڵی سوات له‌ باکوری ڕۆژئاوای وڵاته‌که‌ ده‌سـتگیرکردووه‌، هه‌ر له‌و ناوچه‌یه‌ی ڕۆژی سێشه‌ممه‌ تیادا ته‌قه‌ له‌ مه‌لاله‌ کرا.
هه‌تا ئاماده‌کردنی ئه‌م هه‌واڵه‌ زانیاریـیه‌کی که‌م له‌سه‌ر ده‌سـتگیرکردنه‌کان بڵاوکراونه‌ته‌وه‌.
له‌ لایه‌کی دیکه‌وه‌ ئاسم سه‌لیم با‌جوای گوته‌بێژێکی له‌شکری پاکستان گوتی هه‌رچه‌نده‌ مه‌لاله‌‌ بێ هۆشه‌ و له‌سه‌ر ئامێری هه‌ناسه‌دانه‌، به‌ڵام له‌ ڕه‌و‌شێکی خراپدا نیـیه‌. گوتیشی چه‌ند ڕۆژی داهاتوو زۆر گرنگ ده‌بن بۆ چاکبوونه‌وه‌ی.
مه‌لاله‌ له‌ نه‌خۆشخانه‌ی شاری پیشاوه‌ر به‌ فرۆکه‌ گه‌یندرایه‌ ئنسـتـتیوتی هێزی ئاسمانی نه‌خۆشیه‌کانی دڵ، که‌ ناودارترین نه‌خۆشانه‌ی له‌شکریه‌ له‌ راوه‌ڵپه‌ندی. پزیشکان ده‌ڵێن شیانی له‌سه‌دا 70 هه‌یه‌ که‌ بژی.
XS
SM
MD
LG